БУЛГАН АЙМГИЙН 80 ЖИЛИЙН ОЙ, ХАНГАЙН БҮСИЙН УРАЛДААНД ЭХНИЙ 20-Д ХУРДАЛСАН ИХ НАС

Анхдагчдын өлгий Булган аймаг өнөө жил үүсч байгуулагдсаны түүхт 80 жилийн ойгоо тэмдэглэсэн. Ойн бэлтгэл бүтэн жилийн өмнөөс эхэлж, бүтээн байгуулалтын томоохон ажлуудыг хийж хэрэгжүүлсний зэрэгцээ Засгийн газрын тогтоолт зуны  хангайн бүсийн уралдааныг амжилттай зохион байгуулсан юм. Хангайн бүсийн уралдаанд зориулан аймгийн ЗДТГ, “Булганхангай” МСУХ-ны хамт олон морь барианы газраа эрчим хүчинд /байнгын/ холбож, 1000 үзэгчийн суудал байрлуулсны зэрэгцээ гарааны төхөөрөмжөө 80 метр болгон өргөсгөсөн байна.   
Долдугаар сарын 27-29-ний өдрүүдэд Бугат сумын нутагт болсон хангайн бүсийн уралдаанд 13 аймгийн 1567 хурдан хүлэг хурд шандсаа сорьсноос хамгийн өтгөн мордсон нь их нас. Уяачийн ур чадвар, уралдаанчийн авхаалж самбааг утгаар нь сорьдог  их насны морьдын уралдаанд газар газраас ирсэн 341 хурдан ажнай шандас шалгаж, Баянхонгор аймгийн Бууцагаан сумын харьяат Н.Баттөмөрийн хар манлайлжээ. Харин адуун сүргийн манлай азарганы уралдааныг төрийн наадмын түрүү Бидэрт халиун өнгөлж, хурсан олныг огшоосон билээ.
Ийн төрийн наадмын түрүү хүлгүүд шандас шалгасан хангайн бүсийн уралдааныг TV-9 телевиз гурван өдрийн турш эх орон даяар шууд дамжуулснаас гадна үзэгчид гараанаас бариа хүртэл нь дэлгэцээр харах боломжтой байсан юм.  Булганчууд хангайн бүсийн уралдаанаас дөрвөн түрүү, 12 айраг хүртсэн агаад түрүү хүлгүүдээ найман сая төгрөгөөр мялааж, нас болгоны эхний 80 морийг байлсныг хэлэх нь зүйтэй байх. Ингээд хангайн бүсийн уралдаанд эхний 20-д хурдалсан хурдан их насны морьдын фотог хүргэж байна.

1. Баянхонгор аймаг Бууцагаан сумын уугуул Н.Баттөмөрийн хар. Хар морийг аймгийн Алдарт уяач Г.Болдбаатар уяж, 180 дугаартай, 11 настай Э.Отгонбаатар унаж хурдлуулсан байна.


2. Говь-Алтай аймгийн Шарга сумын уугуул, Тод манлай уяач Х.Бат-Эрдэнийн хонгор халзан. Хонгор морийг Тод манлай уяач Б.Бат-Өлзий уяж, 178 дугаартай, 12 настай Б.Мягмарцэрэн унаж хурдлуулсан байна. 


3. Булган аймгийн Гурванбулаг сумын уугуул, Тод манлай уяач Д.Хишигжаргалын хээр. Хээр морийг Монгол  Улсын Алдарт уяач С.Эрдэнэбат уяж, 727 дугаартай 14 настай, Б.Буяннэмэх унаж хурдлуулсан байна. 


4. Ховд аймгийн Чандмань сумын уугуул Б.Махбалын зээрд. Зээрд морийг Манлай уяач Т.Ихбаяр уяж, 382 дугаартай, найман настай Б.Эрдэнэбадрах унаж хурдлуулсан байна. 


5. Булган аймгийн Сэлэнгэ сумын уугуул М.Нуваантаяагийн бор 


6. Өвөрхангай аймгийн Уянга сумын уугуул Монгол Улсын Алдарт уяач Б.Даваадоржийн зээрд. Зээрд морийг Тод манлай уяач О.Батбилэг уяж, 225 дугаартай, 9 настай Б.Буянбилэг унаж хурдлуулсан байна. 


7. Өвөрхангай аймгийн Есөнзүйл сумын уугуул, аймгийн Алдарт уяач П.Сэргэлэнгийн хээр. Хээр морийг Тод манлай уяач Б.Отгоннасан уяж, 13 дугаартай, 11 настай А.Мөнхжаргал унаж хурдлуулсан байна. 


8. Говь-Алтай аймгийн Бигэр сумын уугуул Ц.Батсайханы халзан. Халзан морийг аймгийн Алдарт уяач Х.Аюушжав уяж, 255 дугаартай, 13 настай Э.Батчулуун унаж хурдлуулсан байна. 


9. Булган аймгийн Рашаант сумын уугуул Д.Батбаярын Суман хул. Суман хул морийг 835 дугаартай, 13 настай О.Цэрэндулам унаж хурдлуулсан байна. 


10. Говь-Алтай аймгийн Шарга сумын уугуул, аймгийн Алдарт уяач Н.Даваанямын бор. Бор морийг уяач Ё.Даваадорж уяж, 37 дугаартай, 9 настай Б.Ангараг унаж хурдлуулсан байна. 


11. Өвөрхангай аймгийн Арвайхээр сумын уугуул, аймгийн Алдарт уяач С.Бямбасүрэнгийн Жоо саарал. Саарал морийг аймгийн Алдарт уяач Г.Галт уяж, 369 дугаартай, 13 настай Ж.Одбаяр унаж хурдлуулсан байна. 


12. Говь-Алтай аймгийн Дарви сумын уугуул Ц.Гончигсүрэнгийн хээр. Хээр морийг уяач Н.Цэнддорж уяж, 166 дугаартай, 11 настай Б.Сумьяа унаж хурдлуулсан байна. 


13. Булган аймгийн Хангал сумын уугуул, Х.Төмөрчөдөрийн хүрэн. Хүрэн морийг 154 дугаартай, 14 настай Т.Хүслэн унаж хурдлуулсан байна. 


14. Хөвсгөл аймгийн Рашаант сумын уугуул, аймгийн Алдарт уяач Ц.Амарсанаагийн хээр. Хээр морийг аймгийн Алдарт уяач Ц.Амартүвшин уяж, 182 дугаартай, 12 настай Э.Нямдалай унаж хурдлуулсан байна. 


15. Төв аймгийн Заамар сумын уугуул, аймгийн Алдарт уяач Ч.Уламбаярын зээрд халзан. Зээрд морийг аймгийн Алдарт уяач Т.Тогтохжаргал уяж, 895 дугаартай, 13 настай Л.Жавхлан унаж хурдлуулсан байна.


16. Булган аймгийн Сайхан сумын уугуул Л.Лхагва-Очирын халтар . Халтар морийг 14 дугаартай, 11 настай Р.Сумьяабазар унаж хурдлуулсан байна. 


17. Архангай аймгийн Ихтамир сумын уугуул С.Мэндсайханы сартай хээр. Хээр морийг 313 дугаартай, 15 настай  Ү.Сугар унаж хурдлуулсан байна. 


18. Төв аймгийн Баян-Өнжүүл сумын харьяат Г.Цэрэндашийн бор. Бор морийг уяач Б.Чөдөр-Эрдэнэ уяж, 276 дугаартай, 15 настай М.Батмөнх унаж хурдлуулсан байна. 


19. Говь-Алтай аймгийн Баян-Уул сумын уугуул, Монгол Улсын Алдарт уяач Д.Жамъянгийн халтар. Халтар морийг 288 дугаартай, 11 настай Э.Даваабаатар унаж хурдлуулсан байна. 


20. Өвөрхангай аймгийн Баянгол сумын уугуул, аймгийн Алдарт уяач Ш.Чулуунхүүгийн буурал. Буурал морийг 338 дугаартай, 13 настай Б.Банди унаж хурдлуулсан байна.
А.Цэдэн-Иш

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна