2018 ОНЫ ЧАНСАА ӨНДӨР ЭРЛИЙЗ ДЭЭД

Сэтгүүлч
2018 оны 12-р сарын 28 -нд

Монголын уяачдын эв нэгдлийн баяр шинэ жилийн цэнгүүн 2018 оны 12 дугаар сарын 11-нд Улаанбаатар рестораны их танхимд боллоо. Улиран өнгөрч буй 2018 онд уясан хүлэг морьдоо урамтай сайхан хурдлуулж, амжилтаараа бусдыгаа хошуучилсан шилдгүүд Монгол орны өнцөг булан бүрээс хүрэлцэн ирж энэхүү танхимд цуглажээ. Баярын цэнгүүнийг уламжлал ёсоор холбооны тэргүүн нээн үг хэлж, /энэ удаа ММСУХ-ны Ерөнхийлөгчийн үүрэг гүйцэтгэгч М.Мөнхбаясгалан нээсэн/ мэндчилгээ дэвшүүлсний дараагаар чансаагаараа тэргүүлэгсдийн шагналыг гардуулах үйл ажиллагаа өрнөсөн. Ингээд 2018 оны Монгол Улсын чансаа өндөр эрлийз дээд ангиллыг танилцуулъя.


Ардын хувьсгалын 97 жилийн ой, Үндэсний их баяр наадмын түрүү, «Дүнжингарав-2018» хаврын бүсийн уралдааны аман хүзүү, говийн ноён хутагт Данзанравжаагийн мэндэлсний 215 жилийн ой, говийн бүсийн уралдааны аман хүзүү Говь-Алтай аймгийн Халиун сумын уугуул, аймгийн Алдарт уяач Гантөмөрийн Чинзоригийн зээрд азарга 12 оноогоор НЭГДҮГЭЭРТ эрэмбэлэгдлээ.


Ардын хувьсгалын 97 жилийн ой, Үндэсний их баяр наадмын аман хүзүү, “Алтан дарь овооны их тахилга” зүүн бүсийн уралдааны түрүү Төв аймгийн Баянцогт сумын уугуул Одгэрэлийн Рэнцэнжүгдэрийн бор морь 11 оноогоор ХОЁРДУГААРТ эрэмбэлэгдлээ.


Ардын хувьсгалын 97 жилийн ой, Үндэсний их баяр наадмын айргийн дөрөв, Булган аймгийн 80 жилийн ой, хангайн бүсийн уралдааны түрүү Төв аймгийн Батсүмбэр сумын уугуул, Монгол Улсын Тод Манлай Уяач Сундуйн Лувсанбалдангийн халтар азарга 8 оноогоор ГУРАВДУГААРТ эрэмбэлэгдлээ.


Ардын хувьсгалын 97 жилийн ой, Үндэсний их баяр наадмын айргийн тав, «Эрдэнэт» үйлдвэр байгуулагдсаны 40 жилийн ой, төвийн бүсийн уралдааны түрүү Хөвсгөл аймгийн Шинэ-Идэр сумын уугуул, Монгол Улсын Алдарт уяач Чулуунбатын Цэрэнбатын хул азарга 8 оноогоор ГУРАВДУГААРТ эрэмбэлэгдлээ.


Ардын хувьсгалын 97 жилийн ой, Үндэсний их баяр наадмын айргийн гурав, “Алтан дарь овооны их тахилга” зүүн бүсийн уралдааны аман хүзүү Завхан аймгийн Эрдэнэхайрхан сумын уугуул, Монгол Улсын Манлай уяач Бат-Очирын Энхболдын хонгор морь 7 оноогоор ДӨРӨВДҮГЭЭРТ эрэмбэлэгдлээ. 


«Дүнжингарав-2018» хаврын бүсийн уралдааны айргийн дөрөв, Булган аймгийн 80 жилийн ой, хангайн бүсийн уралдааны аман хүзүү Өвөрхангай аймгийн Есөнзүйл сумын уугуул, Монгол Улсын Алдарт уяач Пүрэвийн Сэргэлэнгийн хээр азарга 6 оноогоор ТАВДУГААРТ эрэмбэлэгдлээ. 


«Дүнжингарав-2018» хаврын бүсийн уралдааны түрүү Завхан аймгийн Эрдэнэхайрхан сумын уугуул, Монгол Улсын Тод Манлай уяач Намжилцэрэнгийн Даш-Өлзийн Аргамаг цавьдар азарга 4 оноогоор ЗУРГАДУГААРТ эрэмбэлэгдлээ. 


Говийн ноён хутагт Данзанравжаагийн мэндэлсэний 215 жилийн ой Говийн бүсийн уралдааны түрүү Хөвсгөл аймгийн Цэцэрлэг сумын уугуул, аймгийн Алдарт уяач Гончигбатын Батболдын бор морь 4 оноогоор ЗУРГАДУГААРТ эрэмбэлэгдлээ.

У.Энхмаа

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна