​Х.БОЛОРЧУЛУУНЫ ХҮРЭН​

Сэтгүүлч
2018 оны 11-р сарын 30 -нд

Үндэсний их баяр наадмын эхлэл болж хамгийн түрүүнд уралддаг хурдан хязаалангийн уралдаанд унаган хүрэн үрээгээ түрүүлгэснээр Дорнод аймгийн харьяат, УИХ-ын гишүүн Хаянгаагийн Болорчулуун төрийн наадмын анхны хишгээ түрүүг “бардам” хүртлээ. Тод манлай уяач Д.Ононгийн Өлгөр бор азаргатай зүүн бүсийн уралдаанд зиндаархан уралдаж 500м газар тасарч уралдсан Х.Болорчулууны Ухаа азарганы төлийн төл хүрэн хязаалан аймаг, бүсийн наадамд төдийлөн ороогүй “битүү” адуу бөгөөд энэ жилийн баяр наадамд цойлон хурдалж түрүү магнай болсон нь энэ ээ.

УДАМ, УГШИЛ:
Эцэг:
Х.Болорчулууны Дорнод гаралтай унаган хурдан хар азарганы төл хүрэн азарга
Эх: Дорнод аймгийн Матад сумын ухаа азарганы төл ухаа гүү /2005 онд зүүн бүсийн уралдаанд Д.Ононгийн Өлгөр бор цэвэр цусны азаргатай 500 м тасарч уралдахад Тод манлай «Зүүн гурван аймагт байхгүй хурдан азарга» хэмээн магтаж байжээ/
АМЖИЛТЫН ТОВЧООН:
2016 онд даага:

Дорнод аймгийн Булган сумын овооны тахилгад түрүү
Дорнод аймгийн Булган сумын баяр наадамд түрүү
2017 онд шүдлэн:
Сүхбаатар аймагт болсон зүүн бүсийн уралдаанд 11
2018 онд хязаалан:
АХ-ын 97 жилийн ой, Үндэсний их баяр наадамд түрүү

"Тод магнай" сэтгүүл. Дугаар 99. 2018 он

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна