Т.УУГАНБАЯРЫН ХАЛТАР

Сэтгүүлч
2018 оны 11-р сарын 27 -нд

Завхан  аймгийн Эрдэнэхайрхан сумын харьяат Төмөрбаатарын Ууганбаярын халтар соёолон АХ-ын 97 жилийн ой, Үндэсний их баяр наадамд есөөр хурдалж, довтой наадамд бариатай гэдгээ харууллаа. Халтар соёолон 2016 онд Эрдэнэтэд болсон хангайн бүсийн уралдаанд айргийн дөрөв, 2017 онд «Хангарьд» төвийн бүсийн уралдаанд айргийн тав, өнөө жил Эрдэнэтийн 40 жилийн ой, төвийн бүсийн уралдаанд айргийн таваар давхиж, сүүлийн  гурван жил тасралтгүй Засгийн газрын тогтоолт бүсийн наадмын айраг хүртээд байгаа хурдан хүлэг юм. Сонирхуулахад, халтар соёолонгийн эзэн Т.Ууганбаяр төрсөн дүү, Тод манлай уяач Т.Галбадрахаа дагаж морь уях болсон ажээ.

УДАМ, УГШИЛ:
Эцэг: Төв аймгийн Борнуур сумын харьяат Гончигдоржийн унаган хар азарга
Эх: Монгол Улсын Тод манлай уяач Т.Галбадрахын унаган гүү
АМЖИЛТЫН ТОВЧООН:
2015 онд даага:
АХ-ын 94 жилийн ой, Үндэсний их баяр наадамд 10 гаргаж давхисан
2016 онд шүдлэн: 
Эрдэнэтэд болсон хангайн бүсийн уралдаанд айргийн дөрөв
2017 онд хязаалан: 
«Хангарьд-2017» төвийн бүсийн уралдаанд айргийн тав
2018 онд соёолон:
АХ-ын 97 жилийн ой, Үндэсний их баяр наадамд ес
Эрдэнэтийн 40 жилийн ой, төвийн бүсийн уралдаанд айргийн тав

"Тод магнай" сэтгүүл. Дугаар 99. 2018 он

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
  • 103.240.240.73
    2018 оны 11-р сарын 28 -нд

    Галбадрах Ууганбаяр ЭРДЭНЭХАЙРХАНЫ АХ ДҮҮСДЭЭ ОЛОН САЙХАН АЗАРГА ӨГСӨН БУЯНТАЙ САЙХАН СЭТГЭЛТЭЙ ЗАЛУУС ШҮҮ,

    Reply