Ц.ЭНХТАЙВАНЫ ЦАВЬДАР

Хонгор нутгийн хийморийг өргөж дэлхийд данслуулсан Баянхонгор аймгийн Баян-Овоо сумын уугуул, аймгийн Алдарт уяач Цэндийн Энхтайваны цавьдар морь газар газраас ирсэн 339 хурдан хүлгээс 10-т хурдалж эзэн уяачаа баярлуулсан билээ. Хурдан цавьдарын удам угшил, амжилтын товчооныг сонирхвол:

УДАМ, УГШИЛ:
Эцэг: Сүхбаатар аймгийн Түмэнцогт сумын Далантайн цавьдар азарга. Цавьдар азарга Дүнжингаравын хурд уралдаанд түрүүлж байсан
Эх: Дорнод аймгийн  Халхгол сумын харьяат  Давхарбаярын унаган хүрэн гүү.
АМЖИЛТЫН ТОВЧООН:
2013 онд даага: 
 Төв аймгийн Баян сумын баяр наадамд түрүү
2014 онд шүдлэн: 
Сүхбаатар аймгийн Түмэнцогт сумын ойд аман хүзүү
2015 онд хязаалан:  
АХ-ын 94 жилийн ой, Үндэсний баяр наадамд 12
Сүхбаатар аймагт болсон Зүүн бүсийн уралдаанд аман хүзүү  
2016 онд соёолон: 
“Дүнжингаравын хурд-2016” уралдаанд долоо 
Өвөрхангай аймгийн баяр наадамд айргийн гурав 
АХ-ын 95 жилийн ой, Үндэсний баяр наадамд 20 
2017 онд хавчиг:
АХ-ын 96 жилийн ой, Үндэсний баяр наадамд 20
2018 онд долоотой:
АХ-ын 97 жилийн ой, Үндэсний баяр наадамд 10
Эрдэнэтийн 40 жилийн ой, төвийн бүсийн уралдаанд 10

"Тод магнай" сэтгүүл. Дугаар 99. 2018 он