Морьт харвааны ДАШТ-д монголчууд тэргүүлжээ

Сэтгүүлч
2018 оны 10-р сарын 16 -нд

БНСУ-ын Сугчу хотноо өнгөрөгч долоо хоногт морьт харвааны дэлхийн аварга шалгаруулах тэмцээн зохион байгуулагджээ. Тус тэмцээнд Англи, АНУ, ОХУ, БНСУ, БНХАУ, Казахстан, Герман зэрэг олон орны тамирчид авхаалж, самбаагаа сорьсноос манай баг тамирчид “Grand Prix” аваргын цомын эзнээр тодорсон байна.
Тодруулбал, Монгол Улсыг төлөөлж “Хан Монгол” морьтны холбооны тэргүүн Ш.Цогтхүүгээр ахлуулсан Э.Эрдэнэ, П. Пүрэв-Очир, О.Түмэнбаяр нарын тамирчид оролцжээ.
БНСУ-д хар салхи  дэгдэж, салхитай, тэмцээний зам халтиргаатай зэрэг хүнд нөхцөлд болсон ч манай тамирчид амжилттай оролцож, нэг алт, дөрвөн мөнгө, нэг хүрэл медаль хүртжээ. Багийн тамирчин Э.Эрдэнэ ганцаарчилсан төрөлд  алт,  мөнгө, багийн төрөлд мөнгөн медаль авснаас гадна "Grand Prix" аваргын цомыг багтаа авчирсан юм.
П.Пүрэв-Очир ганцаарчилсан төрөлд хүрэл, багийн төрөлд мөн хүрэл медаль хүртсэн бол О.Түмэнбаяр багийн төрлөөр мөнгөн медаль хүртсэн байна.

П.УРНАА

1 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.