Уралдаанч О.Насанжаргал: Хязаалангаа айрагдуулсан чинь дотор онгойгоод явчихлаа

“АХ-ын баяр наадамд унасан морио 10-аас урагш давхиулж үзээгүй, өнөө жил аз гийн төрийн наадмын хишиг хүртлээ” хэмээн хэвлүүхэн ярих уралдаанч бол Отгонжаргалын Насанжаргал. Тэрээр баяр наадмын сэтгэгдлээсээ ийн хуваалцсан юм.

-Унасан хүлгээ айрагдуулсанд баяр хүргэе.  
-Баярлалаа, аниа.
-Өмнө нь улсын наадамд морь айрагдуулж байв уу?
-Айрагдуулж байгаагүй. Улсын наадамд зургаан насны морь бүгдийг нь унаж байсан ч хамгийн дээд тал нь арван хэдээр давхиулж байсан. Бүсийн уралдаанд ерөөсөө морь унаж байгаагүй.
- Улсын наадамд анх удаа айрагт морь давхиулах ямар санагдаж байна?  
-Гоё байна. Улсын наадамд айрагт давхих сайхан байдаг юм байна. Хязаалангаа барианы зурхай давуулаад л дотор онгойгоод явчихсан. Сэтгэл өндөр байна.
-Өнөөдөр бороо ороод хүйтэн байна. Уралдааны зам ямар байна?
- Шороо тоос босохгүй болохоор уралдааны зам сайхан байна.
-Маргааш, нөгөөдөр дахиад морь унах уу?
-Унана. Сая хязаалангаа айрагдууллаа. Соёолон, даага хоёртой нийлээд гурван насны морь унана.
- Миний дүүг хэн гэдэг билээ. Өөрийгөө манай уншигчдад танилцуулаач?
-Намайг Отгонжаргалын Насанжаргал гэдэг. 13 настай. Завхан аймгаас ирсэн. 10-тайгаасаа хурдан морь унасан.
-2018 он гараад өөр уралдаанд уралдсан уу?
-Улсын баяр наадмаар уралдаан эхэлж байна.  Би Ихбаяр Манлайн уяан дээр морь унадаг.
-Ярилцсанд баярлалаа. Дараа дараагийн давхилд нь амжилт хүсье.

А.Энхжил

Тод магнай сэтгүүл №99