Уралдаанч П.Пүрэвбат: Түрүүлсэн соёолон морийг би унаж хийссэн гэж бодохоор бүр гоё

АХ-97 жилийн баяр наадмын соёолон барианд орж хөлсний хашаанд унасан соёолонгийнхоо хамт амьсгаа даран зогсох уралдаанч  хүү П.Пүрэвбатаас улсын баяр наадамд түрүү магнай болсон баярын сэтгэгдлээс нь хуваалцлаа. 

-Унасан соёолонгоо түрүү магнайд хурдлууллаа. Мэдээж их баяртай байгаа биздээ?

-Унасан морио түрүү магнайд хурдлуулаад гоё байнаа. Том хүмүүс түрүүлсэн соёолон морийг хийморь сэргээдэг гэж ярьдаг юм байна лээ. Тэр түрүүлсэн соёолон морийг  би унаж хийссэн гэж бодохоор бүр гоё. Миний унаж түрүүлгэсэн соёолонг харахаар ийм олон хүн Хүйн долоон худагт ирсэн байна шүү дээ. 
-Морио түрүүлнэ гэдэгт итгэлтэй байсан уу? 
- Би соёолонгоо түрүүлнэ гэдэгт итгэлтэй байсаан. 
-Наадмын эхний хоёр өдөр ямар насны морь унасан бэ? 
-Азарга уралдааны өмнө доголчихсон. Буган халиун хасагдаад, тэгээд бусад насаа бүгдийг нь унасан. 
-Өмнө нь улсын наадамд унасан морио айрагдаж түрүүлгэж байсан уу?
-Улсын наадмаас айраг, түрүү хүртэж байгаагүй. Энэ миний улсын наадамд унасан морио түрүүлгэсэн анхны тохиол. Улсын баяр наадамдаа сүүлийн гурван жил ирж байна. Гэхдээ өнгөрсөн жил миний унах байсан бүх нас хасагдчихсан ш дээ.  
-Тэгвэл бүсийн уралдаанд айраг, түрүүнд хурдалж байсан уу? 
-Бүсийн наадамд зөндөө айрагдаж түрүүлсээн. Заримыг нь сайн санахгүй байна, ямар ч байсан хоёр даага түрүүлгэсэн. 
-Наадмаас өмнө морио унаж хэр их бэлтгэл хийсэн бэ?
-Зөндөө их хийсэн.  
-Хэдэн наснаасаа хурдан  морь унасан бэ?
-Тавтай байхаасаа хурдан морь унасан. Энэ жил найман настай хоёрдугаар анги төгссөн. Өлзийтийн 59-р сургуульд сурдаг. 
-Ярилцсанд баярлалаа. Унасан морьд нь үргэлж айраг, түрүүнд хурдлах болтугай.  

А.Энхжил

Тод магнай сэтгүүл №99

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна