Б.БУЯНБААТАРЫН САРТ ХЭЭР

Сэтгүүлч
2018 оны 10-р сарын 01 -нд

Сүхбаатар аймгийн Түвшинширээ сумын харьяат, Монгол Улсын Алдарт уяач Жамбалын Шунугийн унаган сартай хээр азарга уясан эзэн Б.Буянбаатарт битүү шүдлэн үрээ 2015 онд иржээ. Шүдлэн үрээнээсээ уягдсан Сарт хээр сум, орон нутаг болон Архангай, Өвөрхангай аймгийн сумдаар одтой давхиж байгаад өнөө жил АХ-ын 97 жилийн ойн баяр наадамд ирж уралдан зургаагаар давхин том дов үзсэн нь энэ юм. Дөнгөж хавчиг зургаан настай Сарт хээрт цаашид улс, бүсийн наадамд уралдаж түрүү, айраг хүртэх боломж дүүрэн бий. Харин түүний уясан эзэн Б.Буянбаатар нь 2013 онд Дэлхийн дээд амжилтанд бүртгүүлэх уралдаанд халтар морь айрагдуулсныг уншигчид санаж буй биз ээ. 

УДАМ, УГШИЛ:
Эцэг: Сүхбаатар аймгийн Түвшинширээ сумын харьяат, Монгол Улсын Алдарт уяач Жамбалын Шунугийн Шонхор хээр азарга 
Эх: Шар хээр гүү
АМЖИЛТЫН ТОВЧООН:
2015 онд шүдлэн:
Булган аймгийн Могод сумын Мөнхзолбоо сунгаанд аман хүзүү
Булган аймгийн Могод сумын баяр наадамд түрүү
Булган аймгийн Сайхан сумын дөрвөн түмэн адууны баярт айргийн дөрөв
Булган аймгийн Могод сумын улсын Сайн малчны мялаалга наадамд түрүү
2016 онд хязаалан:
Архангай аймгийн Цэцэрлэг сумын 90 жилийн ойд түрүү
Өвөрхангай аймгийн Хархорин сумын 60 жилийн ойд түрүү
Архангай аймгийн Өлзийт суманд болсон 
"Дүүхээ" төвийн 20 жилийн ойд түрүү
Архангай аймгийн Хашаат суманд болсон 
Санжаадамба Аваргын мялаалга наадамд соёолонд уралдуулж түрүү
2017 онд соёолон:
Төв аймгийн Заамарт болсон хаврын хойд бүсийн уралдаанд аман хүзүү
2018 онд хавчиг: 
АХ-ын 97 жилийн ой, Үндэсний их баяр наадамд зургаа

"Тод магнай" сэтгүүл. Дугаар 99

3 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.