Уралдаанч А.Буянжаргал олон жил морь унаагүй ч олон айраг, түрүүтэй

-Төрийн наадамд азарга түрүүлгэсэн мундан хүүд баяр хүргэе. Сэтгэл өндөр байна уу?

- Азарга түрүүлгэсэн болохоор гоё байна. Барианд ороод ирэхэд үзэгчид шуугилдаад л, морь бариач хажуунаас ороод ирэхэд "Би чадлаа" л гэж бодсон.

- Энэ жил хэдэн насны морь унасан юм бэ?

- Ганцхан азарга унаад түрүүлгэлээ.

- Хэдэн настай билээ. Хэддүгээр ангид сурдаг вэ?

- Найман настай, Төв аймгийн дунд сургуульд сурдаг.

- Хэдэн жил хурдан морь унаж байна?

- Олон жил унаагүй ээ. Гэхдээ олон айраг түрүүтэй шүү.

- Уралдааны замд бэрхшээл тулгардаг уу?

- Мэдээж бүгд түрүүлж, айрагдахыг хүсч байгаа шүү дээ. Тийм болохоор их өрсөлддөг.

ТОД МАГНАЙ СЭТГҮҮЛ №99

2018 он