Соён гэгээрүүлэгч говийн V ноён хутагт Данзанравжаагийн мэлмий гийсний 215 жилийн ой, говийн бүсийн уралдаанд эхний 10-т хурдалсан хурдан соёолонгууд

Соён гэгээрүүлэгч говийн V ноён хутагт Данзанравжаагийн мэлмий гийсний 215 жилийн ой, говийн бүсийн уралдаанд эхний 10-т хурдалсан хурдан соёолонгуудыг танилцуулъя. 149 хурдан хүлэг бүртгүүлснээс:

  • Архангай аймгийн Чулуут сумын уугуул, аймгийн Алдарт уяач Ц.Энхболдын  хул.  Хурдан хул соёолонг 313 дугаартай, 13 настай Ганзоригийн Мөнх-Оргил хүү унаж түрүүлгэжээ.
  • Завхан аймгийн Дөрвөлжин сумын уугуул, Манлай уяач Дайдийхүүгийн Баяраагийн хүрэн. Хурдан хүрэнг 222 дугаартай, 13 настай Баасанхүүгийн Баянсүх хүү унаж аман хүзүүдүүлжээ.
  • Дундговь аймгийн Хулд сумын уугуул, аймгийн Алдарт уяач Чойбалын Дэмчигцоодолын бор. Хурдан бор соёолонг 119 дугаартай, 10 настай Эрдэнэбулганы Дөлгөөнтамир хүү унаж айргийн гуравт хурдлуулжээ.
  • Дорноговь аймгийн Дэлгэрэх сумын уугуул Очирпүрэвийн Батжаргалын хонгор. Хурдан хонгорыг 001 дугаартай, 9 настай Мөнгөнсүхийн Ариунгоо охин унаж айргийн дөрөвт хурдлуулжээ.
  • Өмнөговь аймгийн Цогтцэций сумын уугуул Сумъяаготовын Мөнхбаярын хээр. Хурдан хээр соёолонг 042 дугаартай, 13 настай Будхүрэлийн Баатар хүү унаж айргийн тавд хурдлуулжээ.
  • Дорноговь аймгийн Улаанбадрах сумын уугуул Хишигдоржийн Батбилэгийн хонгор халзан. Уралдаанч 048 дугаартай, 7 настай Батбилэгийн Банзрагч
  • Дорноговь аймгийн Айраг сумын уугуул Ням-Осорын Бүрэнбатын хонгор . Уралдаанч 111 дугаартай, 9 настай Батхуягийн Алаг-Эрдэнэ.
  • Төв аймгийн Баян сумын уугуул, Манлай уяач Хэнгэрэгийн Цогтсайханы хар халзан. Уралдаанч 355 дугаартай, 11 настай Бямбадашийн Одгэрэл.
  • Дорноговь аймгийн Сайншанд сумын уугуул Цэнцэрэнгийн Гантулгын сартай хүрэн. Уралдаанч 112 дугаартай Мөнгөн-Эрдэнийн Дөлгөөн.
  • Дундговь аймгийн Цагаандэлгэр сумын уугуул Хишигдоржийн Батбилэгийн хонгор халзан. Уралдаанч 044 дугаартай, 10 настай охин Батбилэгийн Гүндэгмаа унаж тус тус хурдлуулсан юм.

У.Энхмаа

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна