Соён гэгээрүүлэгч говийн V ноён хутагт Данзанравжаагийн мэлмий гийсний 215 жилийн ой, говийн бүсийн уралдаанд эхний 10-т хурдалсан хурдан азарганууд

Долдугаар сарын 27-29-ний өдрүүдэд болсон Соён гэгээрүүлэгч говийн V ноён хутагт Данзанравжаагийн мэлмий гийсний 215 жилийн ой, говийн бүсийн хурдан азарганы уралдаанд 120 хүлэг бүртгүүлж тоосоо өргөснөөс:

  • Архангай аймгийн Төвшрүүлэх  сумын уугуул, Манлай уяач Өлзийхутагийн Пүрэвбаатарын бор. Хурдан бор азаргыг Тод манлай уяач О.Батбилэг уяж, 199 дугаартай, 13 настай Ганцэцэгийн Лувсандаваа хүү унаж түрүүлгэжээ.
  • Дорноговь аймгийн Эрдэнэ сумын уугуул Мөнхтүвшингийн Буянхишигийн хар. Хурдан хар азаргыг аймгийн Алдарт уяач Мөнхтүвшин уяж, 100 дугаартай, 10 настай Цолмонгийн Тэмүүн хүү унаж аман хүзүүдүүлжээ.
  • Өвөрхангай аймгийн Хужирт сумын уугуул Батхүүгийн Ганбатын хул. Хурдан хул азаргыг нийслэлийн Алдарт уяач Гүрбазарын Бат-Эрдэнэ уяж, 400 дугаартай, 7 настай Баярмаагийн Оргил хүү унаж айргийн гуравт хурдлуулжээ.
  • Баянхонгор аймгийн Галуут сумын уугуул Даваадоржийн Дэлгэрсайханы хул. Хурдан хул азаргыг  241 дугаартай, 13 настай Батзоригийн Баянмөнх хүү унаж айргийн дөрөвт хурдлуулжээ.
  • Өмнөговь аймгийн Манлай сумын уугуул Сугирын Батбаярын загал. Хурдан загал азаргыг 208 дугаартай, 14 настай Чимгээгийн Хашшагай хүү унаж айргийн тав хурдлуулжээ.
  • Дорноговь аймгийн  Мандах сумын уугуул Батмөнхөийн Галхүүгийн буурал халзан. Хурдан буурал азаргыг 201 дугаартай, 11 настай Төгсбаярын Эрдэнэболд хүү унаж хурдлуулжээ.
  • Улаанбаатар хот. Хан-Уул дүүргийн харьяат Бадамын Оргилын халтар. Хурдан халтар азаргыг 247 дугаартай, 12 настай Цолмонбаатарын Өсөх-Од хүү унаж хурдлуулжээ.
  • Дорноговь аймгийн Айраг сумын уугуул Ням-Осорын Бүрэнбатын хонгор. Хурдан хонгор азаргыг 111 дугаартай, 9 настай Батхуягийн Амин-Эрдэнэ хүү унаж хурдлуулжээ.
  • Өвөрхангай аймгийн Арвайхээр сумын уугуул н.Бямбасүрэнгийн саарал. Хурдан саарал азаргыг 269 дугаартай, 11 настай Лхагвасүрэнгийн Тэмүүлэн хүү унаж хурдлуулжээ.
  •  Хэнтий аймгийн Баянхутаг сумын уугуул, сумын Алдарт уяач Данзаннямын Мөнхбаярын шаргал. Хурдан шаргал азаргыг 088 дугаартай, 8 настай Эрдэнэбаатарын Мягмардорж хүү унаж хурдлуулжээ.

Дорноговь аймгийн Гэр бүл, хүүхэд, залуучуудын хөгжлийн газар уралдаанч хүүхдүүдийг анх удаа цахим бүртгэлд хамруулсан бөгөөд мордохын өмнө уралдаанч хүүхэд бүрийн хамгаалалтын хувцас, хэрэглэлийг бүрэн шалгаж маш сайн ажилласныг дашрамд дуулгахад таатай байна.

У.Энхмаа

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна