339 хурдан их насны морьд гарааны зурхай руу хөдөллөө

Уяачийн эрдэм ухааныг шалгаж, хамгийн хол зайд уралддаг их насны морьд гарааны зурхай руу хөдөллөө. Өнөө жилийн их насны морьдын уралдаанд газар газраас ирсэн 384 хурдан хүлэг бүртгүүлсэн ч 339 нь шандас шалгахаар болжээ.
Их морьдын уралдаанд Говь-Алтай аймгийн Баян-Уул сумын уугуул, ах дүү хоёр Тод манлай уяач Дагвадоржийн Ганбаатарын хүрэн, Дагвадоржийн Цэрэнжигмэдийн халтар, Өвөрхангай аймгийн Хархорин сумын харьяат Занбазарын Батбаярын хээр, Баянхонгор аймгийн Баянбулаг сумын уугуул, Монгол Улсын Алдарт уяач Чинбатын Махбалын халтар, Архангай айгийн Төвшрүүлэх смын уугуул, Манлай уяач Өлзийхутагийн Пүрэвбаатарын загал, Төв аймгийн Дэлгэрхаан сумын харьяат, уяач Шаравын Мөнгөншагайн хүрэн, Баянхонгор айгийн Хүрээмарал сумын уугуул, аймгийн Алдарт уяач Алтангэрэлийн Батбаатарын саарал, Говь-Алтай аймгийн Халиун сумын уугуул, Тод манлай уяач Туваанжавын Гантөмөрийн хүрэн буурал, Говь-Алтай аймгийн Шарга сумын уугуул,  Тод манлай уяач Хадбаасангийн Бат-Эрдэнийн хүрэн, Завхан аймгийн Дөрвөлжин сумын харьяат, ХЦ-ийн 0208-р анги, Хилчин спорт хорооны уяач Манлай уяач Дайдийхүүгийн Баяраагийн хүрэн, Өвөрхангай аймгийн Есөнзүйл сумын уугуул, Монгол Улсын Алдарт уяач Пүрэвийн Сэргэлэнгийн хээр, Ховд аймгийн Дарви сумын уугуул,  Тод манлай уяач Батчулууны Мөнхтөрийн Ембүү саарал, Дундговь аймгийн Луус сумын уугуул, улсын Алдарт уяач Сэрээгийн Шинэбаатарын хар, Төв аймгийн Эрдэнэсант сумын уугуул, Монгол Улсын Хөдөлмөрийн баатар М.Даваажаргал /хакухо/-ын сартай зээрд, Төв аймгийн Баян сумын уугуул,  Манлай уяач Хэнгэрэгийн Цогтсайханы ухаа халзан, Завхан аймгийн Түдэвтэй сумын уугуул, Монгол Улсын Алдарт уяач Гомбожавын Баярцогтын хээр, Сүхбаатар аймгийн Эрдэнэцагаан сумын уугуул, МУГЗ Намсрайн Лутбаярын Суман хар, Дундговь аймгийн Хулд сумын уугуул, Монгол улсын Алдарт уяач Б.Лхагва-Очирын хонгор халзан, Баянхонгор аймгийн Баян-Овоо сумын уугуул, аймгийн Алдарт уяач Цэндийн Энхтайваны хүрэн, Сэлэнгэ аймгийн Хушаат сумын уугуул, аймгийн Алдарт уяач Ойдовын Бат-Очирын Соёмбо хул, Өвөрхангай айгийн Уянга сумын уугуул, уяач Чойдогсүрэнгийн Бямбасүрэнгийн хар, Өвөрхангай аймгийн Уянга сумын уугуул, уяач Баатарын Даваадоржийн зээрд, Хөвсгөл аймгийн Рашаант сумын уугуул, аймгийн Алдарт уяач Цэрэндоржийн Амарсанаагийн хээр, Төв аймгийн Алтанбулаг сумын уугуул, аймгийн Алдарт уяач Сугаржавын Ганзоригийн хүрэн халзан, Төв аймгийн Эрдэнэсант сумын уугуул, уяач Нямсүрэнгийн Мөнхзоригийн хул, Архангай аймгийн Хотонт сумын уугуул, уяач Дуламсүрэнгийн Лхагвасүрэнгийн буурал,  Төв аймгийн Баянцагаан сумын уугуул, уяач Амармөнхийн Ууганбаярын цавьдар зэрэг улс, бүсийн уралдаанд түрүүлж, айрагдсан хурдан хүлгүүд мордсон байна.

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна