"Дүнжингаравын хурд-2018" хаврын төвийн бүсийн уралдаанд түрүүлж, айрагдсан хурдан морьд

А.Тэлмэн
2018 оны 4-р сарын 10 -нд

Өнгөрсөн сарын 18-нд Говьсүмбэр аймгийн Баянталд "Дүнжингаравын хурд-2018" хаврын төвийн бүсийн уралдаан болсон билээ. Тус уралдаан зохион байгуулалт муутай, нэлээдгүй маргаантай явагдсан ч түрүү, айргийн хурдан азарга, их насны морьдыг тодруулсан байна. Түрүүлж, айрагдсан хурдан их насны морьдын фотог хүргэе.

Их нас
1. Завхан аймгийн Яруу сумын уугуул, Монгол Улсын Тод манлай уяач Дашзэвэгийн Дагвадоржийн Шинэ зээрд. Бүсийн нэг айрагтай хурдан зээрдийг 4 дугаартай, 12 настай Ангарагийн Алтангэрэл хүү унажээ.
2. Төв аймгийн Борнуур сумын харьяат Мөнхтөмөрийн Сайнзаяагийн хул. Хул морийг 25 дугаартай, 13 настай Сайнзаяагийн Сүхбат унажээ.
3. Завхан аймгийн Дөрвөлжин сумын уугуул, Монгол Улсын Манлай уяач Дайдийхүүгийн Баяраагийн хүрэн. Улсын нэг, бүсийн хоёр айрагтай хүрэн морийг 33 дугаартай, 13 настай Цагаанхүүгийн Батхүү унажээ.
4. Улаанбаатар хот. Хан-Уул дүүргийн харьяат нийслэлийн Алдарт уяач Дуламсүрэнгийн Төртогтохын халиун. Бүсийн гурван айрагтай хурдан халиуныг 158 дугаартай, 12 настай Шинэбаярын Билгүүнжин хүү унажээ.
5. Хөвсгөл аймгийн Цэцэрлэг сумын харьяат Гончигбатын Батболдын буурал. Бүсийн нэг айрагтай буурал морийг 118 дугаартай, 13 настай, 2015-2017 оны Шилдэг уралдаанч Гансүхийн Энхболд хүү унаж хурдлуулжээ. 
У.Энхмаа

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна