Нэрт уяач Мөрдондог зайсангийн БҮДҮҮН ЖАМЦ

М.Жамц Авдарбаянгийн хүн. Баян Падын дараа орох адуу малтай айлын эзэн. Өөрөө тохь тух сайтай. Морь сайн хатгана. Сайн ч танина. Гарын алга өргөн, хуруу бүдүүнтэй. Шууны бяр их, соёолон азаргыг дэлдүүт, хэд дэлдээд л тогтооно. Тойром дамжин шагай харвана. Мэргэн сумтай шагай сайн шүүрдэг. Гучаад шагай хамж тавиад, шагай багцлан шүүрнэ.
Ж.Шийтэрийн зээрд азарганы дунд сунгааг сунгачихаад, их сунгаа, наадамд уралдах хүртэлх ажлын нарийн ширийнийг Жамц гуай л хийнэ. Шийтэр ч айраг, архи уугаад лэнсийдүүхэн. Бүдүүн Жамцын, Падын хүрэн азарганы үр бор азарга улсад хэд айрагдсан. Хөх Данзангаас авсан хээр морь улсад айрагдаж, аймаг, сум орон нутгийн наадамд олон түрүүлжээ. Санжаабүрэгийн зээр азарганы төл зээрд азарга нь аймаг, орон нутгийн наадамд мөн л олон айрагдаж, түрүүлсэн байна.
М.Жамц нэлээн буян ихтэй, бусдад тустай, нөхдөөрөө хүндлүүлсэн хүн байжээ.
"Тод магнай" сэтгүүл. Төв аймгийн Баян, Баянжаргалан, Эрдэнэ сумын тусгай дугаар