“Сэцэн ханы хурд-2018” хаврын бүсийн уралдаан амжилттай зохион байгуулагдлаа

А.Тэлмэн
2018 оны 3-р сарын 23 -нд

Хэнтий аймгийн "Сэцэнханы хүлэг" МСУХ-ноос жил бүр уламжлал болгон зохион байгуулдаг "СЭЦЭНХАНЫ ХУРД-2018" хаврын бүсийн дээд гурван насны морьдын уралдааныг 2018 оны гуравдугаар сарын 20-ны өдөр Жаргалтхаан сумын "Хааны хүлэг" МСУХ-той хамтран тус суманд амжилттай сайхан зохион байгууллаа. Энэхүү наамдыг зохион байгуулахад аймгийн Цагдаагийн газар, Онцгой байдлын газар, Мэргэжлийн хяналтын газар, Хүүхэд, гэр бүл хөгжлийн газар, Хэрлэн сумын ЗДТГ, Өмнөдэлгэр сумын "Айргийн хүлэг" МСУХ, Жаргалтхаан сумын ЗДТГ-ын хамт олон, Эрүүл мэндийн төв, Цагдаагийн тасаг, Мал эмнэлэг, "Сэцэнханы хүлэг" МСУХ-ны тэргүүн, дэд тэргүүн, нарийн бичгийн дарга, тэргүүлэгчид, "Хааны хүлэг" МСУХ-ны тэргүүн, дэд тэргүүн, нарийн бичгийн дарга, тэргүүлэгчид, “Эрдэнийн хүлэг” галын уяачид хамтарч, уралдааны зохион байгуулалт, хүүхдийн аюулгүй байдалд онцгой анхаарч ажиллалаа. Мөн наадмын арга хэмжээний үеэр ММСУХ-ны шагнал “Уяачийн алдар” одонгоор Жаргалтхаан сумын харьяат, аймгийн Алдарт уяач Долгоржавын Эрдэнээ, Хэрлэн сумын харьяат, аймгийн Алдарт уяач Жалбуугийн Энхбаатар нар тус тус шагнагдлаа.

"СЭЦЭНХАНЫ ХУРД-2018" хаврын бүсийн дээд гурван насны морьдын уралдаанд Улаанбаатар хотын 8 дүүрэг, 16 аймаг, 49 сумын 334 хурдан хүлгүүд хүрэлцэн ирж уралдлаа.
Хурдан азарганы уралдаанд 115 хүлэг мордсоноос:
1. Хэнтий аймгийн Цэнхэрмандал сумын харьяат, сумын Алдарт уяач Ц.Заяабаярын хар
2. Төв аймгийн Баянцагаан сумын харьяат, аймгийн Алдарт уяач Х.Баярбатын цавьдар халзан
3. Завхан аймгийн Яруу сумын харьяат, Тод манлай уяач Д.Дагвадоржийн Ембүү зээрд
4. Говь-Алтай аймгийн Н.Батболдын хээр халзан
5. Хэнтий аймгийн Цэнхэрмандал сумын харьяат н.Нацагдоржийн хонгор тус тус хурдаллаа.
Хурдан их насны уралдаанд 133 алтан туурайт тоосоо өргөснөөс:
1. Хэнтий аймгийн Баянхутаг сумын уяач н.Болдбаатарын хүрэн халзан
2. Хэнтий аймгийн Цэнхэрмандал сумын уяач Б.Пүрэв-Очирын цавьдар халзан
3. Хэнтий аймгийн Жаргалтхаан сумын уяач Б.Болорхуягийн зээрд
4. Хэнтий аймгийн Мөрөн сумын уяач О.Амгаланбаатарын хүрэн халзан
5. Хэнтий аймгийн Батноров сумын харьяат, аймгийн Алдарт уяач Ц.Зоригтын зээрд тус тус хурдаллаа.
Хурдан соёолонгийн уралдаанд 86 шандаст хүлэг уралдсанаас:
1. Архангай аймгийн Чулуут сумын харьяат, аймгийн Алдарт уяач Ц.Энхболдын хар
2. Төв аймгийн Баян сумын харьяат, улсын Алдарт уяач Г.Буянтогтохын ухаа халзан
3. Хэнтий аймгийн Баянхутаг сумын харьяат, аймгийн Алдарт уяач Г.Тогтохжаргалын хүрэн халзан
4. Өвөрхангай аймгийн Арвайхээр сумын харьяат, аймгийн Алдарт уяач Ц.Бишрэлтийн хээр
5. Баянхонгор аймгийн Галуут сумын уяач Б.Золбоогийн хонгор халзан тус тус хурдалж, үзэгч олон түмнээ баясгалаа.
Жаргалтхаан сумын "Хааны хүлэг" МСУХ-ны Ажлын алба

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна