Дөрвөн уяач аймгийн дээд цол хүртжээ

Орхон-Уул аймгийн Засаг даргын зөвлөл энэ сарын 8-нд хуралдаж аймгийн Алдарт уяач болон Шилдэг уралдаанч хүүхдүүдийг шалгаруулах асуудлыг хэлэлцжээ. Уг асуудлыг аймгийн МСУХ-ноос танилцуулсан байна.
Засаг даргын зөвлөлийн гишүүд хэлэлцээд “Аранжин хүлэг” галын уяач М.Мөнхбаяр, “Уяачдын ундарга” галын уяач Л.Алтангадас, “Засагт ханы хурд” галын уяач Ж.Сүхбаатар, Баян-Өндөр сумын уяач М.Болдбаатар нарт аймгийн Алдарт уяач цол олгох шийдвэр гаргажээ.
Мөн 15 дугаар сургуулийн сурагч Б.Цэнгэлбаяр, Б.Ган-Эрдэнэ, 7 дугаар сургуулийн сурагч Б.Бүрэнбаяр, "Маргад" лицей суруулийн сурагч Б.Тамираа, "Ирээдүйн одод" сургуулийн сурагч Б.Бүрэнжаргал нарыг аймгийн Шилдэг уралдаанч хүүхдээр шалгаруулсан байна.
У.Энхмаа