Тод манлай уяач Д.Дагвадорж Морин Эрдэнэ одонгийн эзэн болжээ

А.Тэлмэн
2018 оны 2-р сарын 02 -нд

Монголын хурдан морины уралдааныг хөгжүүлэх, ирээдүй хойч үедээ өвлүүлэх хүндтэй ажлыг өнөө цаг үед нэр төртэй авч яваа нэгэн хүндэт эрхэмд жил бүрийн энэ өдөр Нийслэлийн Морин Спорт Уяачдын Холбооны тэргүүн дээд шагнал “Морин Эрдэнэ” одонг гардуулдаг уламжлалтай. Өнөө жил энэхүү хүндэт шагналын эзнээо Завхан аймгийн Яруу сумын харьяат, ММСУХ-ны Тэргүүн дэд ерөнхийлөгч Монгол Улсын Тод манлай уяач Д.Давгадорж шалгарсан байна. Түүнчлэн уламжлалт хурдан морины уралдаан, наадмын аугаа өв соёлыг эрхэмлэн дээдэлж, НМСУХ-ны үйл ажиллагаанд өөрсдийн итгэл зүтгэл, хөрөнгө санхүүг зориулсаар ирсэн  "Мөнгөн хошуут хүлэг"  ХХК-ийн ерөнхий захирал, НМСУХ-ны дэд тэргүүн Д.Очирсүрэнг НМСУХ-ны "Шилдэг нийгмийн зүтгэлтэн"-ээр нэрлэсэн бол НМСУХ-ны "Шилдэг ивээн тэтгэгч"-ээр "Үүрийн-Од" ХХК-ийн ерөнхий захирал, НМСУХ-ны тэргүүлэгч гишүүн Б.Үүрцайхыг тодруулжээ.
Ийн Монголд морин спортыг хөгжүүлэх үйлсэд хувь нэмрээ оруулсан зүтгэлтнүүдэд талархал илэрхийлсний завсарт дуучин СТА Б.Батболд "УЯАЧ МИНИЙ ЖАРГАЛ"-ыг бахдаж, Увертюра хамтлаг "ТЭНГЭРИЙН ХҮҮ"-гээ дуудан Улаанбаатар чуулгын гоцлол дуучин МУСТА М.Анхтуяа "АДУУЧИН ЗАЯА"-г бахдан дуулсан билээ. Монголын уламжлалт хурдан морины уралдаанд арга ухаан, авьяас билэг, хүч хөдөлмөрөө зориулан уралдаан наадамд уясан хүлгээ хурдлуулсан эрхэм уяачдадаа хүндэтгэл үзүүлэх цаг болжээ.
НМСУХ-ны Ажлын алба

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна