МУГЖ Г.Батбаярт хүндэтгэл үзүүлжээ

А.Тэлмэн
2018 оны 1-р сарын 31 -нд

“Морины” хэмээн алдаршсан МУГЖ Г.Батбаярын эрүүл мэндийн байдал хүнд байгаа учир Нийтийн дуучдын нэгдсэн холбооноос түүнд зориулж хандивын тоглолт хийж, хөрөнгө мөнгө бүрдүүлэх ажлыг зохион байгуулсан билээ.  Монгол бөхийн өргөөнд түүнд зориулсан тоглолт амжилттай болж, түмэн олон гавьяатдаа туслах сайхан сэтгэлээр танхим дүүрэн цугласан юм.
Олон сайхан морины дууг монгол түмнийхээ сэтгэлд хүргэсэн МУГЖ Г.Батбаярт Залуу уяачдын холбооноос мөн адил хүндэтгэл үзүүлжээ. Тодруулбал, Монголын морин спорт, Залуу уяачдын холбооноос "Шилдэг морины зүтгэлтэн" хэмээх нэрэмжит шагналаа 1.500.000 төгрөгийн хамт эрхэм гавьяатдаа сэтгэлийн хандив болгон өгч байгааг тус холбооны ерөнхийлөгч, УИХ-ын гишүүн Д.Гантулга болон холбооны удирдлагууд, мөн Нийтийн дуучдын нэгдсэн холбооны төлөөллүүдийн хамт хэвтэн эмчлүүлж байхад нь гардуулан өгчээ. Ийнхүү сайхан сэтгэлт хүмүүсийн дэмээр, монгол морины босоо цагаан хийморь ивээж эрхэм гавьяат маань хурдан эдгэрч, урт удаан наслаж, уран бүтээлээ дахин туурвих болтугай.
Urlag.mn

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна