Ч.ГАНТӨМӨРИЙН МАГНАЙ ХАЛЗАН

2015 онд даагандаа зүүн бүсийн уралдаанд түрүүлж байсан Сүхбаатар аймгийн Мөнххаан сумын харьяат, аймгийн Алдарт уяач Чулууны Гантөмөрийн Магнай халзан өнөө жил төрийнхөө наадамд айргийн дөрөвт хурдлан эзэн уяачаа баясгалаа. Олон жилийн хөдөлмөрийн үр шим болсон удам сайт адууныхаа буянаар эчнээ олонд танигдсан Ч.Гантөмөр уяач 2012 онд “Их мандал”  говийн бүсийн уралдаанд хар азарга айргийн дөрөвт, 2015 оны “Хутагтын хурд” хаврын бүсийн уралдаанд хүрэн азарга аман хүзүүнд тус тус хурдлуулж байсан  юм. Ингээд Магнай халзангийн удам угшил, амжилтын товчоог танилцуулъя.
УДАМ, УГШИЛ:
Төв аймгийн Сэргэлэн сумын харьяат МУ-ын Алдарт уяач Баттулгын Сүхбаатарын унаган адуу
Эцэг: Бадамын Махвалын  Англи халтар азарга
Эх: Өндөр Чулууны хурдан хар азарганы үр зээрд халзан гүү.
АМЖИЛТЫН ТОВЧООН
2015 онд даага:
“Ирээдүйн түмэн эх” хурдан дааганы уралдаанд түрүү
Сүхбаатар аймагт болсон зүүн бүсийн уралдаанд түрүү
ММСУХ-ны 20 жилийн ой бүсийн уралдаанд айргийн тав
2016 онд шүдлэн:
АХ-ын 95 жилийн ой, Үндэсний их баяр цэнгэл наадамд зургаа
Орхон аймагт болсон хангайн бүсийн уралдаанд зургаа
2017 онд хязаалан:
АХ-ын 96 жилийн ой, Үндэсний их баяр цэнгэл наадамд айргийн дөрөв

"Тод магнай" сэтгүүл. Дугаар 91