УРАЛДААНЧ Ж.БУЯНМӨНХ: ХАМГИЙН ХУРДАН НЬ ХУЯГ АХЫН ШАРГА

Баянхонгор аймгийн Хүрээмаралсумын бяцхан уралдаанчтай уншигч таныг уулзуулж байна. Түүнийг Жамъяндоржийн Буянмөнх гэдэг.

-Бяцхан уралдаанч манай уншигчдад өөрийгөө танилцуулаач?
-Намайг Жамъяндоржийн Буянмөнх гэдэг. Би зургаан настай. Ноднингоос хурдан морь унаж байгаа. 
-Сургуульд орсон уу?
-Орсоон, нэгдүгээр анги. Манай анги И үсгээ үзэж байгаа. Дуусгаад баяр хийнэ. 
-Ямар дүн авч байна вэ?
-Гайгүй А,В л аваад байгаа.
-Сайн байна. Хурдан морь унаад ямар амжилт гаргасан билээ?
-Хуяг ахын шарга үрээг унаж сумынхаа наадамд түрүүлгээд, аавынхаа хээр үрээг Баянбулагт түрүүлгэсэн. Бас Алтаа ахын хонгор даагыг унаад Баянбулагт түрүүлгэсэн. 
-Унасан морио дандаа түрүүлгэдэг мундаг хүү юмаа. Ямар  насны морьд унадаг юм бэ?
-Соёолон, шүдлэн, даага, хязаалан, их нас. Соёолон арав гаргаж давхиад, их нас нэлээд хойгуур ирсэн. 
-Морь унахдаа айдаг уу. Ер нь морь унах гоё уу?
-Айхгүй ээ. Айсан хүүхдийн морь давхидаггүй юм. Гоё нь гэвэл түрүүлгэж, айрагдуулах. 
-Чиний унадаг морьдоос хамгийн хурдан нь аль нь вэ?
-Хуяг ахын шарга үрээ хамгийн хурдан нь. Гараа ч сайтай. 
-Том болоод  ямар мэргэжилтэй болох вэ?
-Уяач болно гэж боддог. Тэгэхийн тулд морио сайн хайрлаж, уях хэрэгтэй. 
-Зөв бодолтой сэргэлэн хүү сайн уяач болох бизээ. Амжилт хүсье.
"Тод магнай" сэтгүүл. Баянхонгор аймгийн тусгай дугаар. 2016 он