Дөрвөн Тод манлайн мялаалга наадам, “Очирваанийн шигшмэл хурд-2017” уралдаанаас...
...Оройн дээд Очирваань хайрхан
Огторгуйн чимэг Отгонтэнгэр уулаа дээдлэн шүтсэн
Хутагт хувилгаадын өлгий
Замын хүн саатах Завхан нутаг өнөө жил хөл ихтэй байлаа. Даяаршлын татах хүчнээс түр ч атугай ангижирч нүүдэлчин Монгол ахуйгаа дэлхий нийтэд таниулан сурталчлах өргөн далайцтай санаачлагыг Завхан аймгийн ЗДТГ-ын хамт олон дэвшүүлж түүнийгээ ажил хэрэг болгосон билээ. Хосгүй уран байгаль эхийн дуу алдам гайхамшигт бүтээлүүдийн нэг харсаны сэтгэл сэргэж нүд баясдаг Улаагчны Хар нуурнаа болсон нүүдэлчдийн соёлын наадам дөрвөн өдрийн турш үргэлжилж гадаад, дотоодын зочдыг цэнгүүлсэн. Нүүдэлчин монголчуудын амьжиргааны эх үүсвэр болсон таван хошуу малын отгийг нуур тойрсон уулын амуудад бий болгож, мал маллах арга ухаан хийгээд ашиг шимийг нь хүртэх хэлбэр, зан үйлийг тодотгож өгсөн нь зөвхөн гадныханд бус ахуйгаасаа улам бүр холдож буй дотоодын аялагчдад ч сонихон байсан гэж хэлж болно. Мөн малын отог, наадмын талбайгаас таван км орчим газарт бүс тогтоон машин техникийн хөдөлгөөнийг хорьж монголчуудын уламжлалт ердийн хөсгөөр зорчих боломжийг олгосон нь тунчиг мэргэн санаа байсан. Тэмээн болоод үхэр тэрэг хөлслөх эсвэл морь, тэмээгээр “таксидах” өргөн сонголттой. Наадамчдад хөл залгуулах энэ албыг нутгийн иргэдэд үүрүүлж, тэдэнд боломжийн орлого олох нөхцлийг бүрдүүлжээ.
Ийнхүү ердийн хөсгөөр таксидаж наадмын талбайд хүрмэгц нээлтийн үйл ажиллагаа эхэлж дуучин СТА Анхтуяа “Уяхан замбуу тивийн наран”-аар хөндийн салхийг хөглөж, аймгийн Хөгжимт жүжгийн театрын дуучид, жүжигчид “Тэнгэрийн хүү”-г газрын хөрснөө буулган наадамчин эрсийн цөсийг хөөргөсөн юм. Үүнийг залган 108 хуурч Төрийн хошой шагналт Н.Жанцанноровын “Нар сарны аялгуу”-гаар уярааж, цаашлаад цагаан өвгөн тэргүүтэй цамын бүжигчид саар бүхнийг үлдэн хөөн, сайн бүхнийг хурайлан дуудаж, үегүй мэт нумрах уран нугараачид уян зөөлөн, тэсвэр хатуужлын туйлыг тэнцүүлсэн. Энэ мэтээр үндэсний урлагийн өвөрмөц бүхнийг дээдлэн сорчилсон нээлт Монгол ахуйг харуулсан жагсаалаар үргэлжилж, мал хуйгаа тууж, гэр бараагаа ачсан монголчуудын цуваа зуун зууныг товчлон түүхийн шарласан хуудсыг эргүүлсэн юм. Ийнхүү Монгол газар нутагт монгол хүн болж төрснөөрөө баярлан бахдахын сэтгэлийг дэврээсэн нүүдэлчдийн соёлын наадмыг эрийн гурван наадамгүйгээр төсөөлөхийн аргагүй.
Завхан аймгийн Их-Уул сумын уугуул, МУ-ын Гарьд Б.Гончигдамба тэргүүтэй бөхчүүд уран мэхийг уралдуулан, МУ-ын Даян мэргэн Б.Ёндон тэргүүтэй харваачид цэц мэргэнээ сорьж наадамчин олноо баясгасан бол хурдан морины уралдаан илүү өргөн цар хүрээтэй болсон. Учир нь П.Чандмань тэргүүтэй Завхан аймгийн “Очирваанийн хүлэг” МСУХ-ны хамт олон нүүдэлчдийн соёлын наадмын хурдан морины уралдааныг тус нутгаас төрөн гарсан дөрвөн дээд цолтондоо хүндэтгэл үзүүлэх мялаалга наадам болон аймгийнхаа “Шигшмэл хурд-2” уралдаантай нэгтгэж чадсан юм. Өөрөөр хэлбэл нүүдэлчдийн соёлын наадмын хурдан морины уралдаан Завхан нутгаас төрсөн Тод манлай уяачдад хүндэтгэл үзүүлэх мялаалга наадам, “Очирваанийн шигшмэл хурд-2017” уралдаантай давхцсанаараа илүү өргөн дэлгэр өтгөн сайхан болсон юм.
Цаст Очирваанийн хормойгоос Л.Цандэлэг, Б.Содномцог, Д.Дагвадорж, Н.Даш-Өлзий нарын дөрвөн Тод манлай уяач төрсөн бөгөөд дээд цолтнуудынхаа тоогоор улсдаа хоёрдугаарт /Говь-Алтай аймаг мөн дөрвөн Тод манлай уяачтай /эрэмбэлэгддэг. Нутаг орныхоо нэрийг өндөрт өргөж, төрийн наадмын дэвжээнээ амжилттай наадаж буй эдгээр уяачдадаа хүндэтгэл үзүүлэх санаачлагыг Завхан аймгийн МСУХ анхлан гаргаж амжилттай сайхан зохион байгуулж чадсаныг зориуд тэмдэглэх нь зүйтэй бизээ. Учир нь үүнээс урьд аймаг орон нутгийн зүгээс улс, бүсийн наадамд морио айрагдуулсан уяачдад хүндэтгэл үзүүлж байсан удаагүй. Харин уяачид нутгийн түмэнтэйгээ баяраа хуваалцан мялаалга наадмаа зохион байгуулсаар ирсэн билээ.
Дөрвөн Тод манлайн төрсөн нутаг Цагаанхайрхан /Л.Цандэлэг/, Цэцэн-Уул /Б.Содномцог/, Яруу /Д.Дагвадорж/, Эрдэнэхайрхан /Н.Даш-Өлзий/сумдын удирдлагууд нутгийн хөвгүүдэдээ тусгайлан гэр бараа бэлтгэж ирсэн зочдынх нь хамтаар хүндэтгэлтэй хүлээн авсан бөгөөд дор бүрнээ бэлэг зэхсэн байсан юм. Ингээд та бүхэндээ Дөрвөн Тод манлайн мялаалга наадам, “Очирваанийн шигшмэл хурд-2017” уралдаанаас хийсэн фото сурвалжлагаа хүргэе.
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- Өчигдөр, 17:46 минут Богд хан уулын аймаг байгуулагдсаны 100 жилийн ой,…
- Өчигдөр, 11:21 минут МУ-ын Тод манлай уяач Б.Далай: Уяачийн амжилтанд г…
- 3-р сарын 19 -нд Архангай аймгийн 100 жилийн ой, хангайн бүсийн ура…
- 3-р сарын 19 -нд 2023 оны ММСУХ-ны чансаа өндөр уяачид
- 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 3-р сарын 05 -нд Архангай аймгийн 100 жилийн ой, хангайн бүсийн ура…
- 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2-р сарын 27 -нд 2022 оны чансаа өндөр сонгомол дээд насны хүлгүүд
- 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
- 2023 оны 10-р сарын 28 -нд Өвгөн ноён М.Пүрэвжавын нэрэмжит уралдаануудын нэг…
Сэтгэгдэл бичигдээгүй байна