Хамгаалтын дуулга

Хүмүүс сүүлийн 25-30 жилийн өмнөөс нь экологийн тэнцвэрийг хадгалах, байгаль орчин ээлтэй амьдралын хэв маяг ямар чухал болохыг ухамсарлан ойлгож, амьдралын бүх л салбарыг энэ хоёр үндсэн шалгуураар шалгаж эрэмбэлэх болсон. Ялангуяа амралт, хобби, чөлөөт цагийг өнгөрүүлэхтэй холбоотой салбарыг байгаль орчинд ээлтэй болгоход онцгой анхаарч байна. Ийм ч болохоор сүүлийн жилүүдэд морин спорт, морин аялалд хүмүүс маш ихээр анхаарч буй. Морин аялал, морин спортыг зөвхөн бэл бэнчинтэй хүмүүс сонирхдог байсан цаг хэдийн өнгөрсөн гэж болно. Хүүхэд залуусыг сонирхлыг морин спорт, морин аялал, жуулчлалд татахад бүр ч онцгой анхаарч байгаа. Багаасаа байгаль орчин, амьд амьтныг хайрлаж, хүндэлж сурсан хүн том болоод ч энэ нааштай зуршлаа гээхгүй нь мэдээж. Байгаль орчин, хийморьтой амьтныг хайрлаж сурна гэдэг маш чухал, нөгөө талаас энэ бүхнийг дөнгөж сонирхож эхэлж байгаа хүүхэд, залуусын аюулгүй байдал, морины аюулгүй байдал ч бүр чухал. Манайд ч хурдан морины хүүхдүүд хамгаалалтын дуулга заавал өмсдөг болсон ч үүний нэг жишээ. Морин спорт, морин аялал, жуулчлалыг дагаад дагаад морины тоног хэрэгсэл, унаачийн хувцас, хамгаалтын үйлдвэрлэл гэсэн салбар маш эрчимтэй хөгжиж байгаад гайхах зүйлгүй.
Энэ салбарын хөгжлийн жишээ болгож хамгаалтын дуулгааны үйлдвэрлэлийн салбарыг сонирхуулъя. Дуулгыг мэргэжлийн жокейгоос эхлээд шохоорхолдоо хөтлөгдөөг пони унаж үзэж байгаа хүүхэд хүртэл бүгд сонирхдог, морин спортын аюулгүй байдлыг хангах хамгийн чухал хэрэгсэл гэж болно. Хурдны адуу, морин аялал сонирхогчдын хүрээ тэлэхийг дагаад шинэ үйлдвэрлэгч орж ирж, өрсөлдөөн асар их нэмэгдсээр. Хүн өөрийн хэтэвч, сонирхолдоо тааруулаад “сваровски”-чулуугаар гоёсон дуулганаас эхлээд тусгай захиалгаар хийж акулын арьсааар бүрсэн хүртэл зүсэн зүйлийн дуулга худалдан авах боломжтой болжээ. Иймд бид ч Монголдоо, өөрсдийн онцлогийг тусгасан үйлдвэр байгуулахад илүүдэхгүй. Үүнтэй холбоотойгоор сүүлийн үед хамгаалтын дуулганы зах зээлд ихэд нэрд гарч буй зарим компаниудыг талаар, тэдний үйл ажиллагаа явуулдаг онцлог, мөрддөг стандарт, хэрэглэдэг материал гэх мэт зүйлсийн тухайд сонирхуулж байна.
Antares – Франц маягийн чамирхал
“Antares” компани нь 200 онд дээд зэрэглэлийн эмээл үйлдвэрлэгч болохоор байгуулагдсан. Яваандаа үйлчилгээний хүрээг тэлж, бусад тоног хэрэгсэл ч үйлдвэрлэдэг болсны нэг нь дээд зэрэглэлийн хамгаалтын дуулга юм. Өнөөдөр энэ компани бүтээгдэхүүнээ дэлхийн 18 оронд гаргадаг алдартай брэнд болж хувирсан. “Antares” брэнд нь үндсэн 10 төрлийн дуулган дээр тулгуурлаан төрөл бүрийн хийц бүхий бүтээгдэхүүн гаргадаг. Эдгээр үндсэн загварууд болгон Европын холбоооны хувийн бие хамгаалах хэрэгслийн баталгаажуулах сертификат 89/686/ЕЕС, хамгаалалтын хувцас хэрэгсэл судлалын төв SEI ба Америкийн эд материалын сорилго явуулдаг ASTM нийгэмлэгийн сертификат зөвшөөрлийг авсан. Маш өндөр шалгуур давж байж авдаг эдгээр сертификат, зөвшөөрлийг авснаар дуулга нь хамгаалалтын гэсэн үндсэн үүргээ дэлхийн хамгийн өндөр шаардлагад нийцүүлэн бүтээгдсэн гэдгийг худалдан авагчдад харуулж өгдөг.
“Antares” дуулгаа болгон урд талдаа духан тулд дөрөв, ард талд хоёр агааржуулалтын нүхтэй, сольдог дотортой /нэг малгайд дагалдан гурван дотор ирдэг/.Савхин оруулга ба компанийг имижийн нэг хэсэг болсон гурвалжин дүрсийг авч болохоор хийгдсэн тул хүн өөрийн сонирхолд нийцүүлэн дуулганы дизайныг өөрчлөх боломж  олгодог онцлогтой. Үүнээс гадна тусгай захиалгаар дуулга үйлдвэрлэдэг.Захиалагчийн хүсэлтээр тусгай зураг, чимэг, акулын арьсан гадараас эхлээд “Сваровски”-гоор ч чимэх боломжтой. Үнийн хувьд ойролцоогоор 2 саяас 5 сая төгрөгний хооронд хэлбэлздэг.
KEP – Итали мэдрэмж
Италийн KEP компани нь 2007 оноос үйл ажиллагаа явуулан хамгаалтын дуулганы зах зээлд орж ирсэн харьцангуй залуу компани ч гэлээ морин спорт сонрхогчдын дунд  хэдийн нэртэй болж чадсан. KEP-ийн бүх бүтээгдэхүүн нь морин спортын хувцас хэрэглэлийн Европын холбооны CE VG1 0.1040 2014-2 стандарт, Америкийн SEI/ ASTM стандарт, Их Британид мөрдөгддөөг KITE MARK ба IC Mark EN 1384 стандарт нийцсэн сертификаттай. КЕР нь уралдан, аялалын үеэр толгой хэт халахаас сэргийлэхийн тулд агааржуулалтын систем бүхий дуулга боловсруулсан байдаг. Дуулганы каркас нь бэхжүүлсэн хөнгөн цагаанаар хийгдсэн тор хэлбэртэй, дээр нь дуулганы жинг нэмэгдүүлэлгүй бат бөх болгох үүднээс кевлар хэрэглэсэн /кевларыг сум, бөмбөгний хэлтэрхийнээс хамгаалах тусгай хантааз хийхэд ашигладаг гэдгийг бүгд мэдэх байх/. Малгайн дотрыг харшил үүсгэдэггүй, үстэй үрэлдэх үед цахилгаанжихаас хамгаалдаг дюпон нэртэй тусгай матеариалаар бүрсэн байдаг. Дуулганы саравчийн тусгай уян эдээр хийсэн байдаг тул мориноос унахад хугардаггүй тул хагарч, хэлтэрхий үүсэх аюулгүй. Олимпын төрөлд багтдаг бүх л төрөл зүйлд тохирсон дууулга хийдэг. Мөн жил болгон элит түвшни хүмүүст зориулж цөөн тоогоор үйлдвэрлэсэн онцгой хийц бүхий дуулга үйлдвэрлэдэг. Үнийн хувьд мөн л 2 сая төгрөгнөөс эхэлнэ.
UVEX – Герман чанар
1926 онд байгуулагдсан UVEX компани анхандаа өндөр нарийвчлалтай дуран авай хийдэг чиглэлээр үйл ажиллагаа явуулдаг байж. 10 –аад жилийн дараа зах зээлд батай байр суурьтай болж аваад спортын хамгаалтын тоног хэрэгсэл үйлдвэрлэх болсон. Өнөөдөр энэ компанийн үйлдвэрлэсэн морин уралдаан, аяллын хамгаалтын дуулга нь дэлхийд хамгийн найдвартайн тоон зүй ёсоор ордог бөгөөд дэлхийд нэр алдраа цуурайтуулсан тамирчид тусгайлан сонгож авдагт гайхах зүйлгүй.
Өөр хаана ч байхгүй “Octo+” нэртэй тусгай технологи ашигладаг болохоор UVEX-ийн дуулга нь өмсөж байгаа хүний толгойн хэлбэрт тааран сууж өгдөг онцлог давуу талтай. Малгайн каркасыг бат бөх байдлаа алдалгүйгээр хэлбэрээ өөрчилдөг 10 тусгай ялтсаар хийсэн. Ялтасыг элгэдэл даах онцгой чангар бүхий хуванцраар хийж, тусгай туузаар бүрэн бэхэлж өгсөн байдаг. Дуулга нь хоёр хэсгээс бүрддэг. Гадна талын бүрээс нь цохилт даах чадвартай хальс хэлбэртэй бөгөөд дотортойгоо онцгой аргаар бэхлэгддэг тул салхи оруулах агааржуулалтын завсар үүсгэдэг. Онцгой агааржуулалтын ачаар халсан агаар хурдан гадагшилж, дуулганы дотор хүнд хамгийн таатай дулааныг тогтмол хадгалж байдаг. Үнийн хувьд сонгон авсан загвараас шалтгаалаад 800 мянгаас 1 сая орчим төгрөгний үнэтэй. Хүүхдийн дуулганууд хэмжээнээс хамаараад 350 мянгаас 500 мянга.
CHARLES OWEN – Британи маягийн ихэмсэглэл
Дэлхий алдартай энэ брэндийг үүсгэн байгуулагч Чарльз Оүэн нь 1911 онд цэргийн дуулга үйлдвэрлэдэг жижиг үйлдвэр ажиллуулж  эхэлсэн. Дайны үеэр цэргийн дуулганы борлуулалт гайгүй байсан нь мэдээж. Харин дайн дуссаны дараагаар шинэ зах зээл хайхаас өөр аргагүй болсон. Ингээд 1924 онд Оүэн нь дуулганы агааржуулалт ба тааруулах Fit нэртэй онцгой технологийг бүтээж патенталснаар морьтонд зориулсан дуулга үйлдвэрлэдэг болсон байна. Ер нь морин уралдааны хамгаалтын дуулга үйлдвэрлэгч нь бүтээгдэхүүнээ дэлхийн зах зээл дээр гаргахын тулд Британийн PAS, Европын холбооны VG1 0.10408, Америкийн ASTM гэсэн гурван стандартын ядаж нэгд нь тохирсон тухай сертификат авсан байх ёстой байдаг. Харин CHARLES OWEN нь энэ гурван стандартад гурвууланд нийцсэн сертификаттай. CHARLES OWEN дуулганы каркасыг дээд зэргийн чанартай полистеролоор хийсэн байдаг. Полистерол нь асар жижиг хэмжээ бүхий агаараар дүүрсэн маш олон хөөсөнцөр бүхий бүтэцтэй. Үүний ачаар унах үед олон хөөснүүд нь цохилтыг зөөллөн хагарч тархи гэмтэж бэртэхээс хамгаалдаг. 1924 онд бүтээгдсэн Fit технологийг орчин үеийн шаардлага нийцүүлэн сайжруулж MicroFit гэсэн шинэ түвшинд гаргасан. Дуулганы загварыг гаргах, бат бөхийг шалгахдаа тусгайлан боловсруулсан компьютер загварлчлалын технологийг ашигладаг. Морин спортын төрөл болгонд тохирсон 30 гаруй цуврал бүтээгдэхүүн үйлдвэрлэдэг. Үнийн хувьд  600 мянган төгрөгнаас эхэлдэг.
CASCO – гэр бүлийн жижиг үйлдвэрээс дэлхийд алдартай брэнд
Румыний Сату-Маре нэртэй жижиг хотод байдаг энэ компани нь анхандаа гэр бүлээрээ ажилладаг жижиг цех байсан.. Жижиг гэж өөрийгөө гололтой бүтээгдэхүүний чанар, ашигладаг материал, дизайн, зэрэгт дээд зэргийн шаардлага тавьж, хэрэгжүүлж, мөрдөх болсноор удалгүй дэлхийд алдартай брэнд болж чадсан юм. CASCO нь одоо тамирчид, цагдаа ба гал унтраагч нарт зориулсан тусгай хамгаалтын дуулга, нүдний шил үйлдвэрлэдэг алдартай брэнд. Тус компанийн дуулга нь Европын холбооноы бүх л стандартын дагуу хийгддэг бөгөөд ISO стандартын сертификат, Европын холбооноы EN1384 аюулгүйн стандартын сертификаттай.
CASCO уралдааны хамгаалтын дуулга нь хүүхдийн ба насанд хүрэгчдийн гэсэн хоёр хувилбараар үйлдвэрлэгдэг. Дуулгыг өндөр чанартай ABS материалаар Monoque-plus гэсэн тусгай технологиор хийгддэг тул  дээд зэргийн бат бөхийн дээр маш хөнгөн болдог. Үнийн хувьд сонгон авсан загвар, ашигласан материал зэргээс хамаараад 150 мянган төргөнөөс эхэлдэг. Хүүхдийн Nori Comic загвар гэхэд 300 мянга орчим төгрөгний үнэтэй.