ТЭНҮҮН ХОНГОР

Дааган цагаас хурдалж буй Дундговь аймгийн Өлзийт сумын уугуул, аймгийн Алдарт уяач Дэмчигцоодолын Эрдэнэбулганы Тэнүүн хонгор өнөө жил төрийнхөө наадамд наймд давхисан. Төрийн наадамд түрүүлж Тэнүүн хонгор алдрыг хүртсэн энэ хурдан буян давхар уяагаар говийн бүсийн уралдаанд айргийн гуравт хурдалсан билээ. Ингээд эрхэм уншигч танаа Тэнүүн хонгорын амжилтын буухиаг ахин нэг сануулъя.
Удам, угшил:
Цэрэнгийн Мөнхбаярын унаган адуу.
Эцэг: Дундговь аймгийн баяр наадамд хоёр айрагдсан зээрд азарганы төл буурал азарга. Буурал азарга орон нутгийн чанартай багахан наадамд хэд хэдэн удаа түрүүлж, айрагдаж байсан.
Эх: Дундговь аймгийн Өндөршил сумын унаган Саран тамгатай хонгор гүү
Амжилтын товчоон:
2014 онд даага:
Дэрэн суманд болсон уралдаанд /120-иод даага уралдсан/ түрүү
Өмнөговь аймгийн Баян-Овоо сумын 90 жилийн ойд айргийн дөрөв
Дэд сайд асан Ц.Тувааны зохион байгуулсан уралдаанд айргийн тав
2015 онд шүдлэн:
Дорноговь аймгийн төвийн бүсийн уралдаанд айргийн гурав
 Сүхбаатар аймгийн “Жавхлант шаргын хурд” уралдаанд түрүү
 АХ-ын 94 жилийн ой, үндэсний их баяр наадамд түрүү
 “Говьшанхын хурд-2015” говийн бүсийн уралдаанд түрүү
 ММСУХ-ны 20 жилийн ойд айргийн гурав
2016 онд хязаалан:
Дорноговь аймгийн хаврын бүсийн уралдаанд айргийн гурав
Сүхбаатар аймгийн “Жавхлант шаргын хурд-2016”-д 20 гаргаж давхисан
Өмнөговь аймгийн Баян-Овоо сумын наадамд аман хүзүү
АХ-ын 95 жилийн ой үндэсний их баяр цэнгэл наадамд найм
Өмнөговь аймагт болсон говийн бүсийн уралдаанд айргийн гурав
А.Энхжил