МОГОД ХЭЭР

Өнгөрсөн жил соёолондоо төрийнхөө их баяр цэнгэл наадамд айргийн тавд хурдлан давхар уяагаар “Булганхангайн хурд-2015” хангайн бүсийн уралдаанд гурвалж байсан Булган аймгийн Могод сумын уугуул, “Морин-Эрдэнэ” галын гишүүн, аймгийн Алдарт уяач Нямцэрэгийн Базаргарьдын хээр морь өнөө жил аравт давхилаа. Шүдлэн цагаас уралдаж буй хээр морины уяа сойлгыг Ховд аймгийн Дарви сумын уугуул, МУ-ын Манлай уяач Түвдэнгийн Батцоож тааруулдаг  юм.
Удам, угшил:
Эцэг: Туваанжавын Баяраагаас авсан Жаргалант угшлын хээр азарга.
Эх: Т.Батцоож Манлайн хязааландаа улсын наадамд түрүүлсэн Суман халзан азарганы төл хул гүү. Эх хул гүүг нь Т.Батцоож галын гишүүн Н.Базаргарьдад бэлгэнд өгч байжээ.
Амжилтын товчоон:
Шүдлэн цагаас эхлэн уягдсан.
2014 онд хязаалан:
Ховд аймагт болсон баруун бүсийн уралдаанд түрүүлж, ирээд эрлийз гэсэн шалтгаанаар хасагдсан
2015 онд соёолон:
Хавар Төв аймгийн Цээл суманд болсон овооны тахилга уралдаанд түрүү
АХ-ын 94 жилийн ой, үндэсний их баяр наадамд айргийн тав
“Булганхангайн хурд-2015” хангайн бүсийн уралдаанд айргийн гурав
2016 онд хавчиг:
“Дүнжингаравын хурд-2016” хаврын бүсийн уралдаанд 12
АХ-ын 95 жилийн ой, үндэсний их баяр наадамд арав
А.Энхжил