МАНЛАЙН БАЯСГАЛАН ХУРДАН ЗАГАЛ

Төр улсын нурууг наадам цэнгэлээр, эр хүний хийморийг хурдан хүлгүүдээр нь шинжих монгол ёр бэлгэ бий. Морь хурдан жил ажил үйлс сэтгэлчлэн бүтэж, ахуй амьдрал өөдлөн дэвждэг хэмээн ерөөл өргөх уяачдын нэг нь Архангай аймгийн Төвшрүүлэх сумын уугуул, МУ-ын Алдарт уяач Ө.Пүрэвбаатар юм. Түүний нэртэй хурдан хүлгүүд сүүлийн гурван жил улс, бүсийн дэвжээнээ айраг, түрүүнд хурдалж улсын Алдарт уяач хэмээх эрхэм цолны эзэн болгосон бол өнөө жил загал морьдынхоо буянаар Манлай уяачийн болзлыг хангаад байна. АХ-ын 93 жилийн ойн баяр наадамд айргийн гуравт хурдалж байсан загал морь өнгөрсөн жил зургаалж, өнөө жил наймд давхиад, шигшмэл морьдын “Их хурд-7” уралдаанд айрагдсан билээ. Ингээд хурдан загалын амжилт, алдрын товчооныг дахин нэг сануулъя.
Удам угшил:
Сүхбаатар аймгийн Эрдэнэцагаан сумын уугуул Цэдэн-Ишийн Түвшинтөгсийн унаган адуу.
Эцэг: Сүхбаатар аймгийн Сүхбаатар сумын харьяат олноо “чоно” хэмээн алдаршсан Эрдэнээгийн унаган хонгор халзан азарга.
Эх: Ц.Түвшинтөгсийн унаган гүү.
Амжилтын товчоон:
2013 онд естэй:
Сүхбаатар аймгийн  зүүн бүсийн уралдаанд айргийн дөрөв
Сүхбаатар сумынхаа баяр наадамд түрүү
Хэнтий аймгийн 90 жил, зүүн бүсийн уралдаанд  хүүхэдгүй зургаа
2014 онд аравтай:
Эрдэнэцагаан сумын “Егүзэрийн хүлэг” МСУХ-ны уралдаанд түрүү
Сүхбаатар сумын Баянцагаан овооны тахилга уралдаанд түрүү
АХ-ын 93 жилийн ойд айргийн гурав
Жалханз хутагт Дамдинбазарын мэндэлсний 140 жилийн ой хангайн бүсийн уралдаанд аман хүзүү
2015 онд 11 настай:
АХ-ын 94 жилийн ой төрийн их баяр цэнгэл наадамд зургаа
Өндөр Гэгээн Занабазарын мэндэлсний 380 жилийн ой хангайн бүсийн уралдаанд айргийн гурав
ММСУХ-ны 20 жилийн ойн бүсийн уралдаанд найм
2016 онд 12 настай:
АХ-ын 95 жилийн ой үндэсний их баяр наадамд найм
Шигшмэл морьдын “Их хурд-7” уралдаанд айргийн гурав
Орхон аймагт болсон хангайн бүсийн уралдаанд айргийн гурав
А.Энхжил