Даншиг хээр

Төв аймгийн Баянцагаан сумын харьяат, аймгийн Алдарт уяач Санжаабазарын Хишиг Даншиг хээр азаргаа төр, түмнийхөө их баяр цэнгэл наадамд есөд давхиулсан. Насаараа адуу малласан буурал Алдарт улсын наадамд хоёр дахиа оролцож байгаа нь энэ бөгөөд аймаг, сумандаа айраг алдахгүй нааддаг билээ. Ингээд уясан эзэн, унасан хүүхэд, хурсан олноо цэнгүүлсэн хурдан хээр азаргыг уншигч танаа товч танилцуулъя.
Удам, угшил:
Хээр азарга Баянцагаан угшлын адуу.
Эцэг: Өвгөний Батбуянгийн их бага зэгэлүүдийн угшилтай хонгор халзан азарга.
Эх: С.Хишигийн сумандаа олон түрүүлж айрагдсан халтар азарганы төл хул гүү.
Амжилтын товчоон:
2012 онд соёолон:
Төв аймгийн баяр наадамд айргийн дөрөв
Да лам Цэрэнчимэдийн мэндэлсэний 140 жилийн ой, төвийн бүсийн уралдаанд 12
2013 онд хавчиг:
Төв аймгийн 90 жилийн ой, төвийн бүсийн уралдаанд ес
Булган аймгийн Бүрэгхангай сумын 90 жилийн ойд айргийн тав
2014 онд долоотой:
Төв аймгийн баяр наадамд аман хүзүү
2015 онд наймтай:
Дундговь аймгийн хаврын бүсийн уралдаанд айргийн тав
Дорноговь аймгийн хойд бүсийн уралдаанд айргийн дөрөв
Төв аймгийн баяр наадамд түрүү
“Говьшанхын хурд-5” говийн бүсийн уралдаанд айргийн дөрөв
“Хүрээ цам” даншиг наадамд түрүү
2016 онд естэй:
Дундговь аймгийн зүүн бүсийн уралдаанд түрүү /Цагаандэлгэр суманд болсон/
АХ-ын 95 жилийн ой, үндэсний их баяр наадамд ес
Шигшмэл морьдын “Их хурд-7” уралдаанд 12
Орхон аймагт болсон хангайн бүсийн уралдаанд долоо

 А.Энхжил