ОЧ БОР

Хоймор нутгийн уяачид адуун сүргийн манлай азарганы уралдаанд онцгой сайхан наадсан. Энэ цагийн эрэмгий хурдан буянгуудын нэг Магнай халиун түрүүлж, Хөвсгөл нутагтаа төрийн наадмын анхны түрүүг /азарганы/ авчирсан бол айргийн тавд Их-Уул сумын уугуул Дэнзэнгийн Энхтөрийн хул хурдалж, харин долоод Цэцэрлиг сумын уугуул, УИХ-ын гишүүн Лхагвын Мөнхбаатарын бор хурдалсан билээ. Олноо “Оч” хэмээн танигдсан соёолон бор азаргыг уншигчид дааган цагаас нь эчнээ таних бизээ. Даагандаа Төв аймгийн 90 жилийн ой, төвийн бүсийн хурдан морины уралдаанд айргийн тавд давхиж байсан бор азарга дараа жил нь улсын наадамд айрагдаж байсан юм. Ингээд  хоймор нутгийн хурдан азаргануудын нэг Оч борыг уншигч танаа танилцуулъя.
Удам, угшил:
Тод манлай уяач Д.Ононгийн унаган адуу
Эцэг: Тод манлай уяач П.Мэндбаярын бор азарга
Эх: Сүхбаатар аймгийн Уулбаян гаралтай гүү
Амжилтын товчоон:
2013 онд даага:
Төв аймгийн 90 жилийн ой, төвийн бүсийн уралдаанд айргийн тав
2014 онд шүдлэн:
АХ-ын 93 жилийн ой, үндэсний их баяр наадамд айргийн тав   
“Дорнод талын хурд-2014” зүүн бүсийн уралдаанд айргийн гурав
2015 онд хязаалан:
АХ-ын 94 жилийн ой, үндэсний их баяр наадамд 11
2016 онд соёолон:
“Дүнжингаравын хурд-2016” хаврын бүсийн уралдаанд аман хүзүү
АХ-ын 95 жилийн ой үндэсний их баяр наадамд долоо
А.Энхжил