“Говийн ажнай” МСУХ-ны тэргүүн Н.Чулуунбаатар: 2011 оноос хойш Сүхбаатар, Хэнтий, Төв, Дорнод аймгуудаас 200 гаруй адуу авчирлаа
Увс аймгийн Завхан сумын уугуул, “Говийн ажнай” МСУХ-ны тэргүүн Н.Чулуунбаатартай хийсэн ярилцлагыг уншигч танаа хүргэж байна.
-Завхан сумын уяачдын холбоо хэдэн онд үүсгэн байгуулагдаж байв?
-Манай “Говийн ажнай” МСУХ 2005 онд байгуулагдсан. Тэгэхэд би холбооны тэргүүнээр ажиллах болж, тамга тэмдгээ авч албан ёсоор бүртгүүлсэн нь энэ юм. Түүнээс өмнө буюу 1996 онд холбоо нэртэй байсан ч албан ёсны болоогүй байлаа. Анхны тэргүүдээр Пүрэвгончиг, Мэдэрээ нар ажиллаж байсан түүхтэй.
-Та ажлаа авснаас хойш сумынхаа МСУХ-г хөгжүүлэх талаар ямар ямар ажил хийж байна вэ?
-2006 онд уяачдынхаа санаачлагаар дөрвөн баг дээр дөрвөн гал байгуулсан. Үүнд: “Жигүүр хүрэн”, “Удамт хурд”, “Гилбэн хурд”, “Унаган хурд” гэж. Нэг гал дээд тал 100-150-аад гишүүнтэй. Одоогоор “Удамт хурд”-ынхан хамгийн олуулаа байна. Манай сумын уяаны гол цөм гэж хэлж болно. Ийнхүү галтай болж, зохион байгуулалттайгаар нааддаг болсон. Галууд дор бүрнээ төсөв санхүүтэй боллоо. Жил бүр “хонины ээлж”-тэй гал нэрэмжит наадмаа хийдэг уламжлалтай болсон гээд ажил явж л байна.
-Завхан сумын хэмжээнд хичнээн уяач байна. Үүнээс аймаг, сум, улсын цолтой уяач хэд байдаг вэ?
-Сумын хэмжээнд 230 гаруй уяач байна. Сүүлийн жилүүдэд моринд орж байгаа залуусын тоо нэмэгдэж байна. Одоогоор аймгийн Алдарт 26, сумын Алдарт 18 уяач байна. Бид өөрийн дүрмийнхээ дагуу аймаг, сумын алдартуудаа шалгаруулдаг юм.
-Уяачдын холбооноос жилдээ хэдэн уралдааныг зохион байгуулдаг вэ?
-Манайд галууд уралдаанаа зохион явуулдаг. Галуудын уралдаан, шинэ аймгийн алдартнуудын нэрэмжит уралдаан, бооцоот уралдаан гэхчилэн жилдээ гурваас дөрөв нааддаг. Энэ жилийн тухайд анхны уралдаанаа гуравдугаар сарын 21-нд явууллаа. Энэ бүхэнд холбооноос дэмжээд л явдаг юм.
-Энэ жил танай сумын 90 жилийн ой болох байхаа. Бэлтгэл ажилдаа орчихсон уу?
-Тиймээ, 90 жилийн ой тохиож байнаа. Баяр наадмын комисст уяачдын холбооноос тэргүүн, хоёр тэргүүлэгч орж байгаа. Уяачид маань дор бүрнээ л бэлтгэлээ хангаж байна. Холбооноос зохион байгуулаад аймгийн бооцоот уралдаанд таван машинтай очиж оролцоод ирлээ. Эндээс өөрсдийн адууныхаа чансааг харахыг хүссэн юм. Дажгүй шүү. Бас Өлгий, Наранбулагийн нутаг руу морьдоо аваачиж, ногоолуулаад сая зургаан сарын нэгэнд орж ирлээ.
Уяачидтайгаа хамтраад 2011 оноос хойш адууныхаа удам угшлыг сайжруулах зорилгоор Сүхбаатар, Хэнтий, Төв, Дорнод аймгуудаас 200 гаруй адуу авчирсан. Манай сумын угшлын Завхан голын хурдууд ч сайн давхиж байна. Тэгэхээр нутгийн дэвжээнээ бид одтой наадах болов уу.
-Хурдан морь унаач хүүхдийн амь нас аюулгүй байдал нэн тэргүүнд тавигдаж байгаа. Энэ талаар?
-Мэдээж хамгаалах хувцас хэрэгслээр хангаж, бүгдийг нь даатгалд хамруулна даа. Одоогоор малгай, хувцас 20 хувьтай байна.
-Таны хувьд моринд ороод удаж байна уу?
-Манай авга ах /аавын дүү/ аймгийн Алдарт уяач Дэмбэ гэж хүн байлаа. Хөөрхий одоо бурхан болсон. Түүний хүү аймгийн Алдарт уяач Түмэндэмбэрэл гэж бий. Бас хүргэн ах аймгийн Алдарт. Эдгээр хүмүүсийн нөлөө их байсан. Мөн найз нөхөд ч уяа сойлго тааруулж байна. Миний хувьд 2000 оноос хойш адуу мал цуглуулж эхэлсэн.
-Ямар удам угшилтай адуу уяж уяачийнхаа гарааг эхэлж байв?
-Нутгийн адуугаар наадаж байлаа. Түүний дараа хүрэн морио Завхан аймгийн Ургамал сумын ойд соёолон насанд түрүүлгэсэн. Хурдан хүрэнгүүдийн угшилтай. Энэ жил Увс аймгийн төвийн бүсийн уралдаанд хязаалан морь айргийн таваар ирлээ. Манай Завхан голын угшилтай, урд нь уягдаж байгаагүй битүү морь байгаа юм.
-Аймгийн чанартай наадмын анхны айраг байх нь ээ? Сумын наадмын хичнээн айраг, түрүүтэй вэ?
-Тиймээ анхны айргаа ийнхүү авлаа. Харин сумын наадмаас арваад айраг, түрүүтэй болж байна. Ноднин улсын баяраар дааган насанд оруулсан. 2010 онд шүдлэн гуравлууллаа. Энэ шүдлэн 2011 онд галын баяр, бооцоот уралдаанд гурваар нэг, дөрвөөр нэг ирсэн.
-Өөр хаагуур хаагуур наадаж байв?
-Хамгийн холдоо Завхан аймгийн Ургамал, Ховд аймгийн төв хүрч байлаа. Ховдын газар нутаг моринд их сайн таарах янзтай юм билээ. Наадам нь ч боломжийн талбайд, зохион байгуулалт сайтай болж байсан.
-Танайхан аймгийн чанартай наадмууддаа хэр явж байна вэ?
-Манай сум чинь төвөөс хөөрхөн зайтай л даа. Гэхдээ уяачидтайгаа явнаа. Очоод сайхан амжилт гаргаад л ирж байна. Ноднингоос хойш гэхэд бүсийн уралдаан, цагдаагийн ойд явж хязаалангийн түрүүтэй ирсэн. Тухайн жилийн шилдгүүдээ тодруулахдаа аймаг, сумын баярын амжилтыг нь оноогоор дүгнэж оруулдаг юм.
-Бидний яриа өндөрлөж байна. Ярилцсанд баярлалаа.
"Тод магнай" сэтгүүл Увс аймгийн тусгай дугаар
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- Даваа, 11:59 минут Уяач Ц.Батсайхан: Гэсэрваань гуай тарган ирэн дээр…
- 3-р сарын 27 -нд Богд хан уулын аймаг байгуулагдсаны 100 жилийн ой,…
- 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 3-р сарын 19 -нд Архангай аймгийн 100 жилийн ой, хангайн бүсийн ура…
- 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна