"Дүнжингаравын хурд-2016" уралдаанд эхний аравт хурдалсан их морьд

“Дүнжингаравын хурд-2016” хаврын бүсийн уралдааны их насны морьдын даамлаар ММСУХ-ны тэргүүлэгч Ц.Туваан, “Эрдэнэт хүлэг” МСУХ-ны тэргүүлэгч Л.Эрдэнэбат  нар ажилласан. Даамлын мэдээллээр  их насанд  306 хурдан хүлэг бүртгүүлж, хоёр морь үүлдэрлэг байдлаар хасагдан 304 нь гарааны зурхайгаас нэгэн зэрэг эргэжээ. Гарааны зурхай руу туух явцад гурван хүүхэд мориноос унасан ч дахин мордуулж, уралдаанаа   үргэлжлүүлсэн байна. Их насны морьд 18 км-ээс уралдсан бөгөөд морь мал гэмтсэн бэртсэн тохиолдол гараагүй байна.  Ингээд уяачийн эрдмийг шалгадаг хэмээдэг их насны хурдан хүлгүүдийг танилцуулъя.
1.Улаанбаатар хот Хан-Уул дүүргийн уяач Чимэддоржийн Хишигбаатарын сартай хээр. Уралдаанч 13 настай Пүрэвсүрэнгийн Тэмүүжин
2.Орхон аймгийн Жаргалант сумын уугуул, МУ-ын Алдарт уяач Дэмбэрэлийн Дэлгэрбаярын хүрэн. Уралдаанч 13 настай Даваадоржийн Нямбаяр
3.Төв аймгийн Эрдэнэсант сумын уугуул, уяач Мөнхбатын Даваажаргалын сартай зээрд. Уралдаанч 15 настай Түвдэнгийн Бямбажав
4.Хөвсгөл аймгийн Галт сумын уугуул, аймгийн Алдарт уяач Нямжилдоржийн Нацагдоржийн ягаан халзан. Уралдаанч 11 настай Мягмарын Амгаланбаатар
5.Орхон аймгийн Баян-Өндөр сумын уугуул, уяач Цэдэндамбын Эрдэнэбаярын хүрэн.  Уралдаанч есөн настай Болдсайханы Бархас.
6.Өмнөговь аймгийн Даланзадгад сумын уугуул, аймгийн Алдарт уяач Бадамгаравын Бадраагийн Ембүү хар. Уралдаанч 10 настай Батсүрэнгийн Отгонжаргал
7.Говь-Алтай аймгийн Баян-Уул сумын уугуул, МУ-ын Тод манлай уяач Дагвадоржийн Ганбаатарын шарга. Уралдаанч 14 настай Даваадоржийн Гансүх
8.Төв аймгийн Баян сумын уугуул, МУ-ын Манлай уяач Миеэгомбын Энхболдын хээр. Уралдаанч 11 настай Гүндэгмаагийн Отгонбаяр
9. 
10.Баянхонгор аймгийн Баян-Овоо сумын уугуул, уяач Цэндийн Энхтайваны хонгор халзан. Уралдаанч 13 настай Далайгийн Тэмүүжин.
А.Мягмарсүрэн