Сэлэнгэ аймгийн улсын шилдэг уралдаанч С.Ган-Эрдэнэ: Есөн жил хурдан морь унаж байна

Улс, бүсийн уралдаанаас нэг айраг, аймаг сумдын уралдаанаас нэг түрүү, нэг айраг хүртэж Улсын шилдэг уралдаанч болсон Сэлэнгэ аймгийн Мандал сумын 3-р сургуулийн 11-р ангийн сурагч 12 настай Самбалхүндэвийн Ган-Эрдэний баярын сэтгэгдлийг хуваалцлаа.
-2015 оны улсын шилдэг уралдаанчид баяр хүргэе?
-Баярлалаа. 2015 онд Сэлэнгэ аймгийн Цагааннуур суманд болсон улсын бүсийн уралдаанд унасан морио айргийн гурваар давхиулсан. Дараа нь Сэлэнгэ аймгийнхаа уяачдын холбооны уралдаан болон сумдын наадамд гурав түрүүлгэсэн.
-Засгийн газрын тогтоолт бүсийн наадмын анхны айраг уу?
-Үгүй ээ хоёр  дахь. Түүнээс өмнө 2013 онд Завхан аймгийн 90 жилийн ойгоор унасан морио айргийн гурваар давхиулсан.
-Ингэхэд Ган-Эрдэнэ хэдэн жил хурдан морь унаж байгаа билээ?
-Долоон настайгаасаа хойш есөн жил унаж байна.
-Хэний морьдыг унадаг билээ?
-Сэлэнгэ аймгийн Мандал сумын харьяат “Тэнгэрлиг хүлэг” галын гишүүн, аймгийн Алдарт уяач Бат-Очир гэдэг хүний морийг унадаг.
-Сайн уралдаанч болохын тулд яах ёстой вэ?
-Морио сайн унах ёстой. Зоригтой байх хэрэгтэй.
-Шилдэг уралдаанчийн авсан хамгийн том бэлэг юу байсныг сонирхож болох уу?
-S3 гар утас.
-Унасан морьд нь хурдан байж, илүү их амжилт гаргаарай. Амжилт хүсье.
-За баярлалаа.
Б.Эрдэнэсүрэн