Ховд аймгийн улсын шилдэг уралдаанч Л.Ган-Очир: Баруун бүсийн уралдаанаас хоёр айраг хүртсэн

А.Тэлмэн
2016 оны 2-р сарын 24 -нд

Улс, бүсийн уралдаанаас нэг түрүү, хоёр айраг, аймаг сумдын уралдаанаас гурван түрүү, таван айраг хүртсэн амжилтаар Ховд аймгийн Улсын шилдэг уралдаанчаар шалгарсан Ховд аймгийн Буянт сумын уугуул, Жаргалант сумын 6-р сургуулийн 9-р ангийн сурагч 16 настай Лхагвадоржийн Ган-Очирын баярын сэтгэгдлийг уншигч танаа хүргэж байна.
-Алс баруун Алтайн шилдэг уралдаанч хүүд баяр хүргэе. 2015 оны баяр наадмынхаа сонин сайхнаас дуулгаач?
-Баярлалаа. Энэ жил  Увс аймагт баруун бүсийн уралдаанаас хоёр айраг авсан. Хоёулаа аман хүзүүдсэн. Тэгээд аймаг, сумын уралдаанаас 10-н хэдэн айраг, түрүү авч МУ-ын шилдэг уралдаанч болсондоо баяртай байна.
-Үнэхээр сайхан нааджээ. Ган-Очир анх хэдэн настайгаасаа эхэлж хурдан морь унасан юм бэ?
-Найман настайгаасаа хойш хурдан морь унаж байгаа. Хамгийн анх Ховд аймгийн Буянт суманд болсон ургацын баярт унасан морио түрүүлгэж байсан. Түүнээс хойш олон айраг, түрүү авсаан.
-Хамгийн том нь хаанахын наадам байсан бэ?
-Увсад болсон баруун бүсийн уралдаан.Тэнд Эрдэнэбаатар ахын зээрд даагыг унаж аман хүзүүдүүлээд, Ганзориг ахын хүрэн хязааланг унаж хоёроор давхиулсан. Бусад нь аймаг, сумын чанартай наадам.
-Морь унахын хамгийн сайхан нь юу вэ?
-Мэдээж түрүүлж, айрагдах нь сайхан. Гэхдээ зүгээр үед ч морь унах байсан их сайхан.
-Унасан хүлгүүд нь хурдан байх болтугай. Амжилт хүсье.
Б.Эрдэнэсүрэн

0 Сэтгэгдэл

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

    Сэтгэгдэл бичигдээгүй байна