“Жавхлант шаргын хурд”-д 300 гаруй хурдан хүлгүүд шандас шалгалаа

Хурдан морь сонирхогчдын хүсэн хүлээдэг "Жавхлант шаргын хурд-2016" Сүхбаатар аймгийн хаврын уралдаан өнөөдөр Баруун-Урт сумнаа боллоо. Газар газрын хурдан хүлгүүд чуулсан уг уралдаанд азарга-102, их нас-130 гаруй, соёолон-80 гаруй мордож Сүхбаатар, Дорнодын уяачид одтой сайхан наадлаа. Ингээд түрүүлж айрагдсан хурдан хүлгүүдийг танилцуулъя.
Азарга-102:
1. Сүхбаатар аймгийн Мөнххаан сумын уугуул Цэвээний Октябрийн хүрэн. Хэдхэн хоногийн өмнө Жавхлант шаргын сорилго уралдаанд түрүүлсэн энэхүү хурдан буян даагандаа АХ-ын 90 жилийн ойд айрагдаж, өнгөрсөн жил хавчиг азарга "Хутагтын хурд" хаврын бүсийн уралдаанд аман хүзүүдэж байсан билээ.
2. Хөвсгөл аймгийн Мөрөн сумын харьяат МУ-ын Алдарт уяач Түдэндоржийн Болдбаатарын Магнай халиун азарга. Хязаалан, соёолон, хавчигтаа гурван жил дараалан " Жавхлант шаргын хурд- уралдаанд түрүүлсэн энэ цагийн хурдан буянгуудын нэг халиун азарга энэ удаа ойрхон зайтай аман хүзүүдлээ.
3.Өмнөговь аймгийн Булган сумын уугуул, МУ-ын Манлай уяач Намдагийн Хүрлээгийн бор.
4.Сүхбаатар аймгийн Түвшинширээ сумын уугуул Пүрэвдоржийн Базарбумаагийн халиун. Халиун азарга өнгөрсөн жилийн "Жавхлант шаргын хурд", “Хутагтын хурд” хаврын бүсийн уралдаанд тус тус аман хүзүүдэж байсан билээ.
5.Сүхбаатар аймгийн Түмэнцогт сумын харьяат аймгийн Алдарт уяач Алагаагийн Баярсайханы хар тус
Их нас-130 гаруй:
1.Сүхбаатар аймгийн Түмэнцогт сумын уяач Өлзий-Оршихын Мөнхбатын хар. Хар морь өнгөрсөн жил сумынхаа баяр наадамд айрагдаж байжээ.
2 .Сүхбаатар Эрдэнэцагаан сумын уугуул, яруу найрагч Намсрайн Лутбаярын хээр
3. Хэнтий аймгийн Баянхутаг сумын харьяат Тогтохжаргалын хар
4. Сүхбаатар аймгийн Асгат сумын харьяат, аймгийн Алдарт уяач Паламын Мөнхжаргалын хээр
5.Дорнод аймгийн Баян-Уул сумын уугуул, аймгийн Алдарт уяач Ж.Энхболдын бор
Соёолон-80 гаруй:
1.Сүхбаатар аймгийн Баруун-Урт сумын харьяат Оёогийн Батболдын хээр
2.Өвөрхангай аймгийн Хархорин сумын харьяат аймгийн Алдарт уяач З.Батбаярын саарал
3.Дорнод аймгийн Цагаан-Овоо сумын харьяат, МУ-ын Алдарт уяач Т.Батзоригийн хул. Хул үрээ Дорнод аймгийн Матад сумын харьяат, аймгийн Алдарт уяач Доржготовын Батбаярын аймгийн МСУХ-ны хаврын уралдаанд түрүүлж байсан бор азарганы төл юм.
4.Дорнод аймгийн Матад сумын харьяат МУ-ын Алдарт уяач Б.Цэндбаатарын зээрд.
5.Дорнод аймгийн Матад сумын харьяат Гантогоогийн саарал. / МУ-ын Алдарт уяач Б.Цэндбаатарын туслах уяач/ Саарал үрээ Дорнод аймгийн Матад сумын харьяат, сумын Алдарт уяач Дашнямын Амармөрөнгийн унаган адуу бөгөөд өнгөрсөн жил “Говьшанхын хурд-5” говийн бүсийн уралдаанд айрагдаж, Сүхбаатар аймгийн Сүхбаатар сумнаа болсон Хатиганы хар сүлд цэнгүүлэх 3-р наадамд айргийн дөрөвт давхиж байсан билээ.
“Жавхлант шарга” МСУХ-ны нарийн бичгийн дарга Ө.Хүдэрхангай