"Дэлтэй цэнхэр"-ийн уралдаанаас...

Хөвсгөл аймгийн Дэлтэй Цэнхэр МСУХ-ны хаврын бүсийн уралдааны цуваа.
Аймгийн Иргэдийн Төлөөлөгчдийн Тэргүүлэгчдийн Хурлын 2015 оны 12-р сарын 24-ний өдрийн 92 дугаар тогтоолоор батлагдсан Хөвсгөл аймгийн Төвийн бүсийн хурдан морины уралдаан Монголын билгийн улиралын 17-р жарны Гал бичин жилийн хаврын тэргүүн сарын шинийн найманд буюу 2016 оны 2-р сарын 15-ны билэгт сайн өдөр Мөрөн хотод зохион байгуулагдлаа.
Тус уралдаанд Хөвсгөл аймгийн Арбулаг, Алаг-Эрдэнэ, Бүрэнтогтох, Баянзүрх, Галт, Тосонцэнгэл, Тариалан, Түнэл, Төмөрбулаг, Шинэ-Идэр, Эрдэнэбулган зэрэг 10 гаруй сумдын гурван насны 240 гаруй хурдан хүлгэд тоосоо өргөн уралдлаа. Уралдааны ерөнхий ивээн тэтгэгчээр "Хөвсгөл Зам" ХХК ажиллаж, уралдаанч хүүхдүүддээ сар шинийн бэлэг гардуулан өгч урамшуулсан нь нийт наадамчин олны талархалыг хүлээсэн юм.
Азарга 76
1.Хөвсгөл аймгийн Рашаант сумын уугуул, уяач н.Алтангэрэлийн саарал азарга. 2015 оны "Дэлтэй Цэнхэр"-ийн зүүн бүсийн уралдаанд аман хүзүүдэж байсан саарал азарга энэ жил ийнхүү Тодмагнай торгон жолоо өргүүллээ.
2.Хөвсгөл аймгийн Мөрөн сумын уугуул, уяач Т.Хүчитбаатарын хээр азарга. 2015 онд соёолондоо "Дэлтэй Цэнхэр" МСУХ-ны төв, зүүн, Төмөрбулаг сумын 90 жилийн ой, Идэрийн бүсийн уралдаануудад нийт гурав айрагдсан хурдан хүлэг.
3.Хөвсгөл аймгийн Мөрөн сумын уугуул, аймгийн Алдарт уяач Ч.Цэрэнбатаан хээр азарга. 2015 онд Хөвсгөл аймгийн баяр наадамд айрагдсан.
4.Хөвсгөл аймгийн Рашаант сумын уугуул, уяач н.Гүррагчаагийн шарга азарга.
5.Хөвсгөл аймгийн Рашаант сумынуугуул,  уяач н.Бат-Оргилын саарал азарга. 2013 онд соёолон насандаа "Дэлтэй Цэнхэр"-ийн төвийн бүсэд айрагдаж байсан, 2015 онд аймгийнхаа төв болон зүүн бүсийн уралдаанд хоёр айрагдсан нэрт хурдан хүлэг.
6.Хөвсгөл аймгийн Тосонцэнгэл сумын уугуул, сумын Алдарт уяач С.Түмэнцогтын хүрэн азарга.
7.Хөвсгөл аймгийн Рашаант сумын уугуул, уяач Ц.Амарсанаагийн “Арвай халтар” азарга. 2014 оны "Хотогойдын хурд-3" наадамд хязаалан үрээ айргийн тавд, 2015 онд Хөвсгөл аймгийн баяр наадамд түрүүлээд давхар уяагаараа Архангай аймгийн Эрдэнэмандал сумын 90 жилийн ойд түрүүлсэн, мөн аймгийн Хайрхан суманд болсон "Хайрхан хурд-2015" уралдааны түрүү хүлэг.
8.Хөвсгөл аймгийн Тосонцэнгэл сумын уугуул, сумын Алдарт уяач Д.Гэндэнсүрэнгийн “Бөгөн” халтар азарга. 2013 онд хязаалан, 2014 онд соёолон "Дэлтэй Цэнхэр"-ийн бүсийн уралдаануудад айрагдаж байсан, 2015 оны төвийн бүсийн уралдаанд наймд давхиж байсан хурдан хүлэг.
9.Хөвсгөл аймгийн Тосонцэнгэл сумын уяач Б.Уламбаярын “Оодон хээр” азарга. 2013 оны "Дэлтэй Цэнхэр"-ийн төвийн бүсэд соёолондоо 9 хурдалж байсан бол өнөө жил гарсан цагаасаа өнгөлөн уралдаж дахин 9 дүгээрт хурдаллаа.
10.Хөвсгөл аймгийн Тариалан сумын уугуул энэ жил шинээр аймгийн Алдарт уяачийн болзол биелүүлсэн залуу уяач Д.Ариуннарангийн “Оодон хүрэн” 2015 оны төвийн болон зүүн бүс, Идэрийн бүсийн уралдаан, Хөвсгөл аймгийн "Шигшмэл хурд-2015" уралдаанууд айрагдаж байсан хурдан хүлэг.
Их нас 80 гаруй.
1.Хөвсгөл аймгийн Төмөрбулаг сумын уугуул, аймгийн Алдарт уяач А.Баясгалангийн хар морь. 2015 оны "Дэлтэй Цэнхэр"-ийн төвийн бүсэд аман хүзүү, Хөвсгөл аймгийн "Шигшмэл хурд-2015" уралдаанд аман хүзүү, Төмөрбулаг сумын 90 жилийн ой, Идэр бүсийн хурд уралдаанд айргийн гурав, аймгийн баяр наадамд айрагдаж байсан хурдан хүлэг.
2.Хөвсгөл аймгийн Галт сумын уугуул, аймгийн Алдарт уяач Н.Нацагдоржийн ягаан халзан. 2015 оны Баруун бүсийн даншиг наадам "Увс  хурд-2015" наадамд айрагдаж байсан, 2013 онд соёолон насандаа Завхан аймагт болсон баруун бүсийн наадамд айрагдаж байсан, Хөвсгөл аймгийн "Шигшмэл хурд-2015" наадам болон аймгийн баяр наадамд түрүүлж байсан онц хурдан хүлэг.
3.Хөвсгөл аймгийн Арбулаг сумын уугуул, уяач н.Очирхүүгийн хээр морь.
4.Хөвсгөл аймгийн Тариалан сумын уугуул, залуу уяач Д.Түвшинжаргалын халиун морь. 2013 оны "Дэлтэй Цэнхэр"-ийн төвийн бүсийн уралдаанд соёолондоо айргийн тавд хурдалж байсан.
5.Хөвсгөл аймгийн Рашаант сумын уугуул, аймгийн Алдарт уяач, аймгийн начин Оросоо гуайн хүү Отгондоржийн цоохор морь, гарсан цагаасаа холхон зайтай өнгөлж явсаар айргийн тавд хурдаллаа.
6.Хөвсгөл аймгийн Мөрөн сумын уугуул, аймгийн Алдарт уяач Ч.Цэрэнбатын хүрэн морь.
7.Булган аймгийн Тэшиг сумын уяач "Хонгор Агро" ХХК-ийн захирал н.Батсуурийн бор морь
8.Хөвсгөл аймгийн Их-Уул сумын уугуул, аймгийн Алдарт уяач Б.Даваадоржийн хүрэн морь. Даваадорж уяачийг манай морь сонирхогчид алдарт “Туулай хээр” мориор нь сайн мэднэ.
9.Хөвсгөл аймгийн Их-Уул сумын уяач Д.Ганзамын хүрэн халзан морь. 2013 онд "Дэлтэй Цэнхэр"-ийн төв болон зүүн бүсийн уралдаануудад айрагдаж байсан, өнгөрсөн жил "Булганхангайн хурд-2015" уралдаанд 10-т хурдалж байсан.
10.Хөвсгөл аймгийн Алаг-Эрдэнэ сумын залуу уяачийн бор морь
Соёолон-84
1.Хөвсгөл аймгийн Мөрөн сумын уугуул, аймгийн Алдарт уяач Ч.Цэрэнбатын хээр
2.Хөвсгөл аймгийн Тариалан сумын уяач Г.Гунгаажанцангийн “Сүлд хээр” 2014 оны "Хотогойдын хурд-3" наадамд шүдлэндээ айрагдаж байсан.
3.Хөвсгөл аймгийн Тосонцэнгэл сумын уугуул, аймгийн Алдарт уяач С.Гүнширийн саарал. Хөвсгөл аймгийн Тосонцэнгэл сумын 90 жилийн ойд шүдлэндээ аман хүзүүдэж байсан.
4.Хөвсгөл аймгийн Тариалан сумын уяач Цэдэндоржийн хар. Хөвсгөл аймгийн "Шигшмэл хурд-2015" уралдаанд айрагдаж байсан.
5.Хөвсгөл аймгийн Тариалан сумын уяач н.Гунгаажанцангийн “Эргүүлэг хул”.
6.Хөвсгөл аймгийн Тариалан сумын ахмад уяач Ч.Отгонбаярын буурал үрээ. 2015 оны Хөвсгөл аймгийн баяр наадам болон Булган аймгийн баруун бүс "Сайхан хурд" наадамд түрүүлж байсан.
7.Уяач н.Тэмүүжингийн 141 дугаартай хээр.
8.Хөвсгөл аймгийн Мөрөн сумын уугуул, аймгийн Алдарт уяач Ц.Чимидбавуугийн хүрэн
9.Хөвсгөл аймгийн Мөрөн сумын уугуул, аймгийн Алдарт уяач Ч.Цэрэнбатын хар
10.Хөвсгөл аймгийн Мөрөн сумын харьяат шинээр аймгийн Алдарт уяачийн болзол биелүүлсэн Ц.Баттогтохын толин сартай хээр. 2015 оны Хөвсгөл аймгийн "Шигшмэл хурд-201"5 болон аймгийнхаа баяр наадамд айрагдаж байсан.
"Дэлтэй Цэнхэр" МСУХ-ны ажлын алба