Ж.Бэгзжав: Хар морь маань даагандаа аймаг, сумын таван наадамд түрүүлсэн
Увс аймгийн Тэс сумын уугуул, “Увсын хурд” МСУХ-ны тэргүүлэгч, аймгийн Алдарт уяач Ж.Бэгзжавын ярилцлагыг уншигч танаа хүргэж байна.
-Алдарт манай уншигчдад өөрийгөө танилцуулаач?
-Би 1964 онд Тэс сумын нутаг Өндөр мод хэмээх газар төрсөн. Сумандаа найман жилийн дунд сургууль төгсөөд Улаангомд ирж УБХТН-ийн авто курст суралцан жолооч, механик мэргэжил эзэмшээд, 1983-1986 онд Ардын армийн 256-р нэгтгэл 271 дүгээр авто ангид жолооч, байлдагчаар алба хаасан. Цэрэгт байхдаа мөн орос мэргэжилтний жолооч хийж байлаа.Тэгээд Ардын армийн 65 жилийн ой болж, 10 гаруй генералын гарын үсэгтэй сайшаалын бичигтэй халагдаж байлаа. Ийм сайшаалын бичигтэй цэрэг 65 жилийн хугацаанд 3 халагдсаны сүүлчийнх нь би юм. Албаа хаагаад иртэл 9-р автобааз, зам барилга ашиглалтын трест хоёр ажилд авах санал тавьж, би 9-р баазаас шинэ чиргүүлтэй хуучин машин авч ажлын гараагаа эхэлж байлаа. Тэндээ таван жил ажиллаад байгууллагынхаа Аварга болж, 2005 онд аймгийн 80 жилийн ойгоор Монгол улсын онц тээвэрчин цолоор шагнагдсан.
-Одоогоор ямар ажил эрхэлж байна вэ?
-1992-2002 он хүртэл хувиараа бизнес эрхэлж байгаад 2002 оноос “Шинэ эрин” ХХК байгуулж ажиллаж байна. Манай компани жимс, жимсгэний худалдаа, мод модон эдлэлийн үйлдвэр, авто машин засварын болон сэлбэгийн худалдаа эрхлэн жилдээ 60 гаруй сая төгрөгийн татвар улсад төлж байна. Үндсэн 10, түр 10 гаруй хүнийг ажлын байраар хангадаг.
-2010 оны шилдэг татвар төлөгч юм байна шүү дээ?
-Тиймээ, 2010 онд аймгийн шилдэг татвар төлөгч компаниар шалгарсан. Мөн 2014 оны эхний хагас жилийн байдлаар хамгийн их татвар төлсөн байгууллагаар шалгарсан. Түүнчлэн би өөрөө 2006 онд Худалдаа үйлдвэрлэлийн Тэргүүний ажилтан цол тэмдгээр шагнагдсан.
-Яриагаа хурдан морь сонирхон уях болсон үеийн түүхээр үргэлжлүүлье?
-Хүүхэд байхдаа хурдан морь унаж байлаа. Манай аав Т.Жамсран Тэс сумандаа 17 жил нэгдлийн адуу малласан хүн. Адуучин байхдаа нэгдлийн адуунаас хурдан морь уяж байсан бөгөөд Нэгдлийн улаан хэмээн олноо алдаршсан хурдан морь нь аймаг, сумандаа олон айраг түрүү авч байсан юм. Мөн хатирдаг улаан, хурдан хээр, хул, халтар морьдоо уяж аймаг, сумаас олон айраг түрүү авч аймгийн Алдарт уяач цол хүртсэн хүн. Аав маань аймгийн наадмаас 10 гаруй, сумын баяраас 30 гаруй айраг түрүү хүртсэн. Тэс сум аймгийн төвөөс хол учир тэр бүр морио аймагт уралдуулж чаддаггүй байсан юм билээ.
Харин миний хувьд 1981 онд аавын Нэгдэл улааныг унаж сумын өдөрлөгт түрүүлээд тэр жилдээ аймгийн 50 жилийн ойгоор 12-оор давхиулсан. Мөн хул морийг нь унаж Майн нэгний баярт түрүүлгэж байлаа. Унаачийн тухайд нэг иймэрхүү амжилттай. Харин уяачийнхаа гарааг 1999 оноос эхэлж 2000 онд хар даагаа аймгийн наадам болон Өргөн ширэгт болсон Улаангом сум, Түргэн, Сагил сумдын баяр, Хархираа багийн өдөрлөг зэрэг таван уралдаанд түрүүлгэсэн юм.
-Хар үрээ тэр жил их хурдан байжээ дээ?
-Тиймээ. Түүнээсээ хойш соёолон хүртлээ аймгийн баярт айрагдсан. Мөн 2007 оны хаврын бооцоот уралдаанд хар морь, Гоё хүрэн хоёроо уралдуулахад хар морь маань аман хүзүүнд, Гоё хүрэн маань дөрвөөр давхиж байлаа.
-Хурдан хар морь тань хаанахын адуу вэ?
-Миний Гоё хүрэн, хурдан хар хоёр аавын маань унаган адуунууд. Ёстой нөгөө жинхэнэ Тэсийн голын унага даа.
-Өвгөдөөс өвлөгдсөн адуугаа сайжруулан чанаржуулах үүрэг өөрт тань оногдож буй байх?
-Би аавынхаа адууны эхийн талын угшлыг хадгалахыг хичээдэг. Аавын адууны угшлын 40 гаруй хурдан буян надад бий.
-Азаргаар цус сэлбэдэг гэсэн үг үү?
-Тиймээ. Анх 2005 онд Зүүнговь сумын харьяат, аймгийн Алдарт уяач С.Баяндалайгаас аймгийн баяр наадамд 10-аар давхисан хүрэн шүдлэн үрээ авч азарга тавьсан. Дараа нь Тэс сумын харьяат Намнангийн Баттогтохоос зээрд халзан азарга авсан. Одоо ч бий. Түүний дараа Тэс сумын харьяат, аймгийн Алдарт уяач Д.Гончигоос аймгийн баяр наадамд гурав түрүүлж, нэг айрагдаж, Зүүнговь сумын харьяат Манлай уяач Б.Далайгийн цолны мялаалга наадамд аман хүзүүдсэн хүрэн соёолонг худалдаж авч азарга тавьсан.
-Аймгийн 90 жилийн ой, баруун бүсийн наадамд хэрхэн бэлтгэж байна вэ?
-Энэ жилийн наадамд хүрэн азарга, түүний төл халтар даага хоёроо уяж байна. Түүнчлэн төрөлх нутгийнхаа түүхт 90 жилийн ойд хоёр сая төгрөгийн хандив өргөсөн. Баяр наадам сайхан болох байхаа.
-Тэгэлгүй яахав. Ярилцсанд баярлалаа.
- Баярлалаа. Гурван том баяр давхацсан энэ жилийн наадам сайхан болох байх аа. “Тод магнай” сэтгүүлээрээ дамжуулаад Увсчууддаа баярын мэнд дэвшүүлж, сайн сайхан бүхнийг хүсье.
"Тод магнай" сэтгүүл Увс аймгийн тусгай дугаар
0 Сэтгэгдэл
ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
- 4-р сарын 15 -нд Уяач Ц.Батсайхан: Гэсэрваань гуай тарган ирэн дээр…
- 2024 оны 3-р сарын 27 -нд Богд хан уулын аймаг байгуулагдсаны 100 жилийн ой,…
- 2024 оны 3-р сарын 27 -нд МУ-ын Тод манлай уяач Б.Далай: Уяачийн амжилтанд г…
- 2024 оны 3-р сарын 19 -нд Архангай аймгийн 100 жилийн ой, хангайн бүсийн ура…
- 2024 оны 3-р сарын 19 -нд 2023 оны ММСУХ-ны чансаа өндөр уяачид
- 2024 оны 3-р сарын 05 -нд 2023 ОНЫ 21 АЙМГИЙН ШИЛДЭГ УЯАЧ, УРАЛДААНЧ ХҮҮХДҮҮ…
- 2024 оны 3-р сарын 05 -нд Аймгийн Алдарт уяач Ш.Мөнхбаатар:Ах дүү дөрвүүл аа…
- 2024 оны 3-р сарын 05 -нд 2023 ОНЫ ММСУХ-НЫ 21 АЙМГИЙН ШИЛДЭГ САЛБАР ХОЛБОО,…
- 2024 оны 3-р сарын 05 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 27 -нд Манлай уяач Ч.Сугар: Алаг морийг харсан хүн болгон…
- 2024 оны 2-р сарын 27 -нд 2022 оны чансаа өндөр сонгомол дээд насны хүлгүүд
- 2024 оны 2-р сарын 26 -нд Н.Билэгтсайхан 66 оноогоор 2022 оны чансаа өндөр у…
- 2024 оны 2-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 2-р сарын 26 -нд МОНГОЛ УЛСЫН 2022 ОНЫ ӨНДӨР ЧАНСААТАЙ ИХ НАСНЫ МОР…
- 2024 оны 2-р сарын 26 -нд О.Батбилэг 73 оноогоор 2022 оны чансаа өндөр уяачд…
- 2024 оны 2-р сарын 26 -нд МУ-ын Алдарт уяач Г.Болдбаатар:Наадмын маргаашнаас…
- 2024 оны 2-р сарын 22 -нд 2022 оны чансаа өндөр азарганууд
- 2024 оны 2-р сарын 22 -нд 2022 оны МУ-ын шилдэг уяач, уралдаанч хүүхдүүд
- 2024 оны 2-р сарын 21 -нд ММСУХ-ны 2022 оны шилдгүүд шагналаа авлаа
- 2024 оны 2-р сарын 21 -нд Архангай аймгийн 100 жилийн ой, хангайн бүсийн ура…
- 2024 оны 2-р сарын 20 -нд Уяач Б.Батжаргал: Сүүлд цоохор даага даяндуулсан
- 2024 оны 2-р сарын 19 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 14 -нд Цолоо ахиулсан уяачид
- 2024 оны 2-р сарын 07 -нд Нийслэлийн Алдарт уяач цолоор 28 хүн шагнагджээ
- 2024 оны 2-р сарын 07 -нд Дөрвөн Тод, дөрвөн Манлай, 18 Алдарт уяач цол авах…
- 2024 оны 2-р сарын 07 -нд Сумын Алдарт уяач Н.ДУГАРЖАВ: БИ ДӨРӨВДҮГЭЭР АНГИА…
- 2024 оны 2-р сарын 05 -нд Богд хан уулын аймаг байгуулагдсаны 100 жилийн ой,…
- 2024 оны 2-р сарын 05 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 27 -нд Сумын Алдарт уяач Д.Батбаяр: Би Биндэрт анх адуу т…
- 2024 оны 1-р сарын 26 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 25 -нд Архангай аймгийн 100 жилийн ой, хангайн бүсийн ура…
- 2024 оны 1-р сарын 24 -нд СУМЫН АЛДАРТ УЯАЧ А.Цэрэндорж: ЗААМАРТ ДАЛАЙ ЛАМЫГ…
- 2024 оны 1-р сарын 22 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 21 -нд Аймгийн Алдарт уяач Б.Баттөр: Таван жилийн дотор с…
- 2024 оны 1-р сарын 18 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 15 -нд Аймгийн Алдарт уяач Ц.Жамсран: Өөрийн тамгатай уна…
- 2024 оны 1-р сарын 15 -нд Богд хан уулын аймаг байгуулагдсаны 100 жилийн ой,…
- 2024 оны 1-р сарын 11 -нд Хэнтий аймгийн 100 жилийн ой, зүүн бүсийн уралдаан…
- 2024 оны 1-р сарын 10 -нд Аймгийн Алдарт уяач М.Мөнхбаяр: Адууны төлөө уйгаг…
- 2024 оны 1-р сарын 10 -нд Завхан аймгийн 100 жилийн ой, баруун бүсийн уралда…
- 2024 оны 1-р сарын 08 -нд Сумын Алдарт уяач Ц.ГЭРЭЛБААТАР: Сайн адууны удам …
- 2024 оны 1-р сарын 08 -нд Завхан аймгийн 100 жилийн ой, баруун бүсийн урал…
- 2024 оны 1-р сарын 03 -нд Хамгийн шимт тэжээлийг мэдэх үү?
- 2024 оны 1-р сарын 02 -нд М.Энхтайван: Хүн хэдий чинээ сэтгэлээ өгнө, адуу т…
- 2023 оны 12-р сарын 27 -нд Хэнтий аймгийн 100 жилийн ой, зүүн бүсийн уралдаан…
- 2023 оны 12-р сарын 25 -нд Баахан хэрэг тарих Баяндэлгэрийн буурал
- 2023 оны 12-р сарын 23 -нд Нийслэлийн Алдарт Уяач цолны болзол хангасан уяачд…
- 2023 оны 12-р сарын 22 -нд Аймгийн Алдарт уяач Г.Энхбаатар: Аавынхаа уяаны ар…
- 2023 оны 12-р сарын 17 -нд Хэнтий аймгийн 100 жилийн ой, зүүн бүсийн уралдаан…
- 2023 оны 10-р сарын 29 -нд Сумын Алдарт уяач Л.Батноров: Азарганы түрүүгээр а…
Сэтгэгдэл бичигдээгүй байна