АМЖИЛТАА АХИУЛЖ, АЛДРАА ДУУДУУЛСАН ХУРДАН ХАЛИУН

Уншигчид энэ хурдан хүлгийг таньж буй бизээ. Өнгөрсөн жил соёолондоо төрийнхөө их баяр цэнгэл наадамд айргийн тавд хурдалж байсан Д.Жамъяны халиун өнөө жил амжилтаа ахиулж, алдраа дуудуулан түрүү магнай, түмэн эх хүлгээр тодорлоо. Д.Жамъян ийнхүү өөрийн нэртэй хурдан хүлгээ төрийн наадамд хоёр жил дараалан түрүүлгэж, айрагдуулсан бол түүний ах Тод манлай уяач Д.Цэрэнжигмэд, Д.Ганбаатар нар их насны морьд айрагдуулж, Д.Ганбаатар нь аз хийморийн бэлгэдэл соёолон түрүүлгэсэн юм. Ийнхүү Баян-Уул хайрханаа дээдлэн шүтдэг Алтай нутгийн хөвгүүд нэгэн жилийн төрийн наадмаас гурвуул хишиг хүртэн, Монголын хурдан морины түүхэнд бас нэгэн амжилтын эзэд болцгоосныг дуулгахад таатай байна. Ингээд хурдан халиуны талаар уншигч танаа товч танилцуулъя.
УДАМ, УГШИЛ:
Эцэг: Тод манлай ах дүүсийн Англи Будённы угшилтай сартай халтар азарга
Эх:Ганбаатар Тод манлайн Сүүн шарга морины эмээ болох шарга гүү.
АМЖИЛТЫН ТОВЧООН:
2013 онд хязаалан:
Архангай аймгийн 90 жилийн ой, хангайн бүсийн уралдаанд айргийн гурав/МУ-ын Алдарт уяач П.Алтансүхийн нэр дээр/
2014 онд соёолон:
АХ-ын 93 жилийн ой, үндэсний их баяр наадмын эрлийз дунд насны ангилалд айргийн тав
Дундговь аймагт болсон төвийн бүсийн уралдаанд аман хүзүү /МУ-ын Алдарт уяач С.Шинэбаатарын нэр дээр/
2015 онд хавчиг азарга:
АХ-ын 93 жилийн ой, үндэсний их баяр наадамд түрүү
Өндөр Гэгээн Занабазарын мэлмий гийсний 380 жилийн ойн, төвийн бүсийн уралдаанд аман хүзүү

"Тод магнай" сэтгүүл №70