Уяач А.Энхболд: Хүрэн даага маань хоёр түрүүлж, нэг айрагдсан

Сүхбаатар аймгийн Онгон сумын баяр наадмаас...
-Сумынхаа 90 жилийн ойд даага түрүүлгэсэн танд баяр хүргэе?
-Баярлалаа. Төрөлх сумынхаа 90 жилийн ойд даагаа түрүүлгэсэндээ баяртай байгаа. Халзан даага маань манай өөрийн унаган адуу. Энэ жилийн хувьд гурав уралдаад байгаа үрээ. Хавар тахилга наадамд нэг түрүүлж, нэг аман хүзүүдээд,  зун нь сумынхаа 90 жилийн ойд түрүүлж байгаа нь энэ.
-Хэдэн насны морь мордуулсан бэ? Дааганаас бусад нь яаж давхив?
-Зургаан насны морь мордуулсан. Дааганаас бусад нь модтой сайхан давхисаан.
-Ингэхэд морь уяад удаж байна уу?
-Манай аав насаараа морь уясан Чухалын Ажаа гэж хүн байсан. Аав маань 1993 онд өөд болоод түүнээс хойш ах дүү нартайгаа нийлэн морь уяж байна.
-Асартай наадмаас хичнээн айраг, түрүү хүртээд байгаа вэ?
-Чамлахааргүй ээ.Том жижиг наадам нийлээд 20 гаруй айраг, түрүү байгаа Миний аав алдар цол олгодоггүй байх үеийн уяач. Хэрвээ өнөө цагт байсан бол аль хэзээний аймгийн Алдарт уяач болчихсон байгаа. Тийм ч учраас би аавынхаа авч чадаагүй тэр алдарт хүрэхээр зорьж явна. Аав маань сум байгуулагдсаны 60 жилийн ойд соёолон түрүүлгэж, азарга айрагдуулж байсан. Үр хүүхэд нь болсон бид нар аавынхаа үйл хэргийг үргэлжлүүлж морио уяцгааж байна.
-Дээдсийн үйл хэргээ үргэлжлүүлэн монгол түмнээ цэнгүүлж буй та бүхэнд амжилт хүсье. Ярилцсанд баярлалаа.
А.Энхжил