Унаган хүрэн

Хонин жилийн баяр наадмуудаас нэг түрүү, таван айраг хүртэн аз хийморь арвин наадсан Дундговь аймгийн Хулд сумын уугуул, аймгийн Алдарт уяач Баярсайханы Лхагва-Очирын хүрэн үрээ АХ-ын 94 жилийн ой, үндэсний их баяр наадамд айргийн гуравт хурдалсан билээ. Уясан эзний хийморийг өргөж, унасан хүүхдийн урмыг тэтгэсэн  хүрэн үрээг уншигч танаа товч танилцуулбал:
УДАМ, УГШИЛ:
Эцэг: МУ-ын Алдарт уяач Рэнцэнгийн Жамбалсүрэнгийн хурдан хүрэн азарганы төлийн төл хүрэн азарга. Хүрэн азарга “Говь шанхын хурд-2, 3”  уралдаануудад түрүүлж байсан.
Эх: Б.Баярсайхан Алдартын унаган гүү.
АМЖИЛТЫН ТОВЧООН:
2014 он даага:
- Уягдаагүй
2015 онд шүдлэн:
- Хаврын тэргүүн сарын шинийн гурванд Хулд сумнаа болсон уралдаанд айргийн тав
- Өмнөговь аймгийн засаг даргын нэрэмжит уралдаанд айргийн дөрөв
- Өмнөговь аймгийн Баян-Овоо сумнаа болсон аймгийн зүүн бүсийн уралдаанд түрүү
- АХ-ын 94 жилийн ой, үндэсний их баяр наадамд айргийн гурав

А.Энхжил