Базаргарьдын хээр

Анхдагчдын өлгий Булган  нутгийн хүү, найман жилийн хүлээлт тайлан төрийн наадамд уясан хүлгээ айрагдууллаа. Энэ хүн бол Булган аймгийн Могод сумын уугуул, “Морин-Эрдэнэ” галын гишүүн, аймгийн Алдарт уяач Нямцэрэгийн Базаргарьд юм. Түүний хурдан хээр соёолон АХ-ын 94 жилийн ой, төрийнхөө их баяр цэнгэлд айргийн тавд хурдалж, наадамчин олноо цэнгүүлсэн. Хээр соёолонгийн уяа сойлгыг Ховд аймгийн Дарви сумын уугуул, МУ-ын Алдарт уяач Түвдэнгийн Батцоож тааруулдаг билээ.
УДАМ, УГШИЛ
Эцэг: Туваанжавын Баяраагаас авсан Жаргалант угшлын хээр азарга. 
Эх:Т.Батцоож Алдартын хязааландаа улсын наадамд түрүүлсэн Суман халзан азарганы төл хул гүү.
Их хул гүүг нь Т.Батцоож галын гишүүн Н.Базаргарьдад бэлгэнд өгч байжээ.
АМЖИЛТЫН ТОВЧООН:
Шүдлэн цагаас эхлэн уягдсан.
2014 онд хязаалан:
Ховд аймагт болсон баруун бүсийн уралдаанд түрүүлж, ирээд эрлийз гэсэн шалтгаанаар хасагдсан
2015 онд соёолон:
Хавар Төв аймгийн Цээл суманд овооны тахилга наадамд түрүү
АХ-ын 94 жилийн ой, үндэсний их баяр наадамд айргийн тав

А.Энхжил