Ойн бэлэг хурдан хээр

АХ-ын 88 жилийн ой, төрийн их баяр цэнгэлд их насны морь айргийн таваар хурдлуулж байсан Өвөрхангай аймгийн Есөнзүйл сумын уугуул, ММСУХ-ны Ерөнхий нарийн бичгийн дарга Пүрэвийн Сэргэлэн өнөө жил хээр соёолонгоо айргийн гуравт давхиулж, ММСУХ-ны түүхт 20 жилийн ойд бэлэг барилаа. Улс, бүсийн наадмаас арван айраг түрүү хүртэн улсын Алдартын болзлыг давуулан биелүүлээд байгаа тэрээр 2004 онд анх төрийн наадамд морь мордуулж байсан гэдэг. Ингээд эрхэм генсекийн хурдан хээрийг товч танилцуулъя.
УДАМ, УГШИЛ
Дорнод аймгийн Чойбалсан сумын харьяат, аймгийн Алдарт уяач агсан Дашийн унаган адуу. Өвөрхангай аймгийн Хайрхандулаан сумын уугуул, Монгол Улсын Манлай уяач Бат-Өлзийн Отгоннасан сарваанд нь авчээ.
Эцэг: Даш Алдартын хамар цагаан хул азарга
Эх: Өвөрхангай аймгийн харьяат, аймгийн Алдарт уяач Жаргалын хурдан халзан морины дүү хонгор гүү
АМЖИЛТЫН ТОВЧООН:
2012 онд даага:
Өвөрхангай аймгийн баяр наадамд айргийн тав
2013 онд шүдлэн:
Өвөрхангай аймгийн баяр наадамд түрүү
2014 онд хязаалан:
Өвөрхангай аймгийн баяр наадамд түрүү
Ховд аймагт болсон баруун бүсийн наадамд айргийн гуравт хурдалж, Өвөрхангай аймгийн шилдгийн шилдэг хязаалангаар шалгарсан.
2015 онд соёолон:
Ханхөгшин хайрханы тахилга наадамд түрүү
Өвөрхангай аймгийн “Их сорилго” уралдаанд түрүү
Баянтэгийн уурхайн наадамд түрүү
Өвөрхангай аймгийн Хайрхандулаан сумын баяр наадамд түрүү
АХ-ын 94 жилийн ой, үндэсний их баяр наадамд айргийн гурав
Хээр соёолон дааган цагаас эхлэн хурдалж, том бага, наадамд 19 түрүүлж, дөрөв айрагдаад байгаа хурдан хүлэг юм.

"Тод магнай" сэтгүүл №68