Уралдаанч Д.Гансүх: Анх удаа улсын наадамд унасан морио айрагдууллаа

АХ-ын 94 жилийн ой, үндэсний их баяр наадамд Макс галын унаачид авхаалжтай, туршлагатай гэдгээ батлан харууллаа. Уяачийн бүтэн жилийн хөдөлмөрийг үнэлүүлсэн адтай унаачдын нэг нь халтар морио айргийн дөрөвт хурдлуулсан 222 дугаартай Даваагийн Гансүх юм. Түүнээс цөөн асуултанд хариулт авлаа.
-Манай уншигчдад өөрийгөө танилцуулахгүй юу?
-Намайг Даваадоржийн Гансүх гэдэг. Тод манлай уяач Цэрэнжигмэд ахынхаа хамар цагаан халтар  морийг унаж айргийн дөрөвт давхиуллаа. Энэ жил улсын наадамд эхний унасан морио айрагдуулсандаа баяртай байна.  
- Төрийн наадмын хэд дэх хишиг вэ?
- Ноднин улсын наадамд Ганбаатар ахын морийг унаж хорин хэдээр давхиулсан. Гарааны зурхай руу явахад уяач маань “эхэнд гараад ирвэл сайн дараарай, үзүүр дээр нь хөдөлгөөрэй” гэсэн юм. Тэр дагуу уралдаад айрагдлаа.
-Өнөөдөр их халуун байлаа уралдахад хүнд байв уу?
-Гайгүй ээ, халуун байсан ч морио унаад давхихаар гоё байдаг юм. Морь унах чинь хамгийн гоё зүйл шүү дээ. - Засгийн газрын тогтоолт бүсийн наадамд оролцож байсан уу?
- Өнгөрсөн жилийн Дундговь аймагт болсон бүсийн уралдаанд халтар морио аман хүзүүдүүлсэн. Хамгийн анхны айраг гэвэл “Монгол жокей”-н нэрэмжит уралдаанд хээр морио гурваар давхиулж байсан.
-Хэдэн настайгаасаа эхэлж хурдан морь унасан бэ?
-Зургаан настайдаа анх морь унаж сурсан.
-За баярлалаа.Дараа дараагийн уралдаануудад амжилт хүсье.
А.Энхжил