Түмэн эх хээр халзан

Төрийн түмэн эх хүлгээр Ховд аймгийн Мөст сумын уугуул, Монгол Улсын Манлай уяач Буднямын Буяннэмэхийн хээр халзан тодорлоо. Хорин жилийн унага уралддаг их насны морьдын уралдаанд газар газрын шигшмэл 321 хурдан хүлэг шандсаа шалгаж, өнгөрсөн жил Ламын Гэгээн Лувсанданзанжанцаны мэлмий гийсний 375 жилийн ой, говийн бүсийн уралдаанд айргийн тавд хурдалсан Б.Буяннэмэхийн хээр халзан магнайдаа тоосгүй өнгөлсөн юм. Төрийн түмэн эх хээр халзан морины уяа сойлгыг Төв аймгийн Баянцогт сумын уугуул, МУ-ын Манлай уяач Дашцэрэнгийн Одгэрэл тааруулдаг гэдгийг уншигчид мэдэх бизээ. Ингээд төрийн түмэн эх хурдан хээрийг товч танилцуулъя.

УДАМ, УГШИЛ
Хэнтий аймгийн Батноров сумын харьяат, сумын Алдарт уяач  Нямсүрэнгийн Жаргалсайханы унаган адуу.
Эцэг: Донир угшлын бэлэвсэн хээр азарга. Тод манлай уяач Г.Батхүүгийн алдарт Толин хул азарганы төрсөн дүү./эцэг, эх нэгтэй/
Эх: Жийпэг угшилтай зээрд халзан гүү.
АМЖИЛТЫН ТОВЧООН:
Шүдлэн цагаас эхлэн уягдсан.
2008 онд соёолон:
Баян-Адрага сумын 85 жилийн ойд долоо
2010 онд долоон настай:
Батноров суманд болсон хаврын уралдаанд айргийн дөрөв
Хэнтий аймгийн зүүн бүсийн уралдаанд түрүү
АХ-ын 89 жилийн ой, Мөрөн сумын баяр наадамд түрүү
“Сэцэн ханы хурд-2010” зүүн бүсийн уралдаанд 11
2011 онд найман настай:
АХ-ын 90 жилийн ой, үндэсний их баяр наадамд 12
“Тамирын хурд-3” хангайн бүсийн уралдаанд айргийн дөрөв
Д.Бат-Эрдэнийн Молор эрдэнэ одонгийн мялаалга наадамд аман хүзүү
2012 онд есөн настай:
АХ-ын 91 жилийн ой, үндэсний их баяр наадамд 16
2013 онд арван настай морь өнжсөн
2014 онд 11 настай:
АХ-ын 93 жилийн ой, үндэсний их баяр наадамд 12
Ламын Гэгээн Лувсанданзанжанцаны мэлмий гийсний 375 жилийн ой, говийн бүсийн уралдаанд айргийн тав
2015 онд 12 настай:
АХ-ын 94 жилийн ой, үндэсний их баяр наадамд түрүү

"Тод магнай" сэтгүүл №68