Халхголын нэрийг өргөсөн Хилийнхүүгийн хийморь

"Тод магнай"-н сурвалжлах хэсэг Дорнод аймагт ажиллаж, сумдын төлөөлөл уяачидтай уулзаж байхуйд Халхгол сумын харьяат, аймгийн Алдарт уяач Занданбал ”надад нэг ухаа унага бий. Тэрийгээ тусад орохоор улсын наадмыг зорьж уралданаа” хэмээн ярьж байсан юм. Алдартын үг биеллээ олж, өнөө жилийн баяр наадамд аав, хүү хоёр саарал азаргатайгаа ирж наймд хурдлуулжээ. Унаган цагаас хурд нь танигдсан саарал буюу эзнийх нь нэрлэдгээр бор хонгор азаргыг уншигч танаа танилцуулъя.
УДАМ, УГШИЛ:
Эцэг: Сүхбаатар аймгийн Онгон сумын харьяат Бат-Очир гэдэг хүний шарга азарга. Дорнод аймгийн Алдарт уяач Доржсүрэнгээр дамжуулан авсан шарга үрээ Дорнод аймгийн наадамд хоёр удаа зургаалсан бөгөөд өдгөө 22 настай азарга бий.
Эх: Занданбал уяачийн унаган адуу. Удам угшлыг нь нарийн хөөвөл Далай хан угшилтай.

АМЖИЛТЫН ТОВЧООН:
2012 онд даага:
АХ-ын 91 жилийн ой, Дорнод аймгийн баяр наадамд айргийн дөрөв
2013 онд шүдлэн:
АХ-ын 92 жилийн ой, Дорнод аймгийн баяр наадамд түрүү
/Шүдлэндээ том бага таван наадамд түрүүлсэн/
2014 онд хязаалан:
АХ-ын 93 жилийн ой, төрийн их баяр цэнгэлд 33
“Дорнод талын хурд-2015” зүүн бүсийн уралдаанд аман хүзүү
Халхгол сумын 90 жилийн ойд түрүү
2015 онд соёолон:
Дорнод аймгийн МСУХ-ны нэрэмжит наадамд түрүү
Адуунчулууны нүүрсний уурхайн 60 жилийн ойд түрүү
Чойбалсан хотын 120 жилийн ойд айргийн дөрөв
АХ-ын 93 жилийн ой, төрийн их баяр цэнгэлд найм

А.Энхжил