Даншиг алаг

Өнгөрсөн жил төрийнхөө их баяр цэнгэлд долоод хурдалж байсан Дорноговь аймгийн Хатанбулаг сумын уугуул, аймгийн Алдарт уяач Монхдойн Жаргалсайханы  Даншиг алаг өнөө жил мөн л амжилтаа бататган долоод давхилаа. Дааган цагаас эхлэн уягдаж, уясан эзний магнайг тэнийлгэж буй хул алаг азарганы тухайд товчхон өгүүлвээс:
УДАМ, УГШИЛ:
Эцэг: Сүхбаатар аймгийн Эрдэнэцагаан сумын уугуул, сумын Алдарт уяач Дорлигжавын Арсланбаатарын 2004 оны Алтан-Овооны их тахилга наадамд айргийн гуравт хурдалсан саарал алаг азарга.
Эх: Арсланбаатар Алдартын унаган гүү
АМЖИЛТЫН ТОВЧООН:
2007 онд даагандаа одоогийн эзэнд ирж уягдаад, том бага наадмаас 30-аад медаль хүртээд байгаа аж. Алаг азарганы томоохон наадмын амжилтаас хүргэвэл:
2011 онд хавчиг азарга:
“Говьшанхын хурд-4” говийн бүсийн уралдаанд түрүү
2012 онд долоотой азарга:
“Их мандал-2012”говийн бүсийн уралдаанд түрүү
2013 онд наймтай азарга:
Дорноговь аймгийн баяр наадамд түрүү
АХ-ын 92 жилийн ой, улсын баяр наадамд 19
Шигшмэл морьдын “Их хурд-6” уралдаанд 23
2014 онд естэй азарга:
АХ-ын 93 жилийн ой, улсын баяр наадамд долоо
“Их Мандал-2014” төвийн бүсийн уралдаанд аман хүзүү
2015 онд аравтай азарга:
АХ-ын 94 жилийн ой, улсын баяр наадамд долоо

Сүхбаатар аймагт болсон зүүн бүсийн уралдаанд аман хүзүү

А.Энхжил