О.Батболдын соёолон хээр

 Адуун сүргийн манлай азарганы уралдаанд аман хүзүүнд хурдалсан Зэвсэгт хүчний 232-р ангийн уяач Ононгийн Батболдын хээрийг уншигч танаа товч танилцуулъя.
УДАМ, УГШИЛ:
Эцэг: Морин тойруулгын Сэртгэр хэмээх хурдан азарганы төлийнх төл хул азарга. Хул азарга уягдаж байгаагүй бол, ах хээр нь уягдаж чамгүй амжилт үзүүлж байжээ. Хул азарганы эх шүдлэндээ улсад аман хүзүүдэж, хязаалан түрүүлсэн Энхбаярын хамар цагаан зээрд, МУ-ын Алдарт уяач Сугарын Зэгэл, Д.Ононгийн Янзага зэрэг  хурдан хүлгүүдийн эгч юм.
Эх: Д.Онон Тод манлайн унаган гүү.
АМЖИЛТЫН ТОВЧООН:
2013 онд шүдлэн: Шүдлэн анх уягдаж, Төв аймгийн 90 жилийн ой, төвийн бүсийн уралдаанд аман хүзүү
2014 онд хязаалан: Төв аймгийн Сэргэлэн сумын 90 жилийн ойд түрүү, “Хотгойдын хурд-3” хангайн бүсийн уралдаанд хүүхэд нь унаад уралдаж чадаагүй
Өмнөговь аймгийн Цогтцэций суманд болсон уралдаанд айргийн гурав
2015 онд соёолон: АХ-ын 94 жилийн ой, үндэсний их баяр наадамд аман хүзүү