Аймгийн Алдарт уяач Ө.Пүрэвбаатар: Анх удаа төрийн наадмын түрүү хүртлээ

-Хязаалан түрүүлгэсэнд баяр хүргэе. Баярынхаа сэтгэгдлээс хуваалцаач?
- Баярлалаа. Загал үрээ маань урамтай сайхан түрүүллээ. Өнгөрсөн жил төрийнхөө баяр наадамд аман хүзүүдсэн бол энэ жил амжилтаа ахиулан түрүү магнайд хурдаллаа.
-Төрийн наадмын анхны түрүү юу?
-Тиймээ, 20-иод жил морь уяж байгаа ч төрийн наадмын анхны түрүүгээ хүртлээ.
-Өнгөрсөн жил амжилттай сайхан наадсан байхаа?
-Тэгсээн. Өнгөрсөн жил улс бүсийн наадмаас нэг түрүү, таван айраг хүртэж, одтой сайхан наадсан. Өнөө жил ч мөн адил гараа сайхан эхэлж байна.  
- Дараа дараагийн уралдаануудад нь амжилт хүсье?
- Баярлалаа. Төрж өссөн Архангай аймгийн Төвшрүүлэх сумынхандаа болон тэнд амьдран суугаа ах, дүү төрөл садан, бүх хүмүүстээ сайн сайхныг хүсье. Сайхан наадаарай.
А.Энхжил