Холч морины уралдаанд үүлдэр харгалзахгүй

Үндэсний их баяр наадмын хөтөлбөрт холч морины буюу 60 километрийн уралдааныг албан ёсоор оруулдаг болоод байгаа. Монголын морин спорт уралдааны үндэсний холбооноос зохион байгуулдаг уг уралдаанд энэ жил үүлдэр харгалзахгүй уралдуулахаар шийдвэрлэсэн байна. Өөрөөр хэлбэл эрлийз ангиллын морьд энэхүү уралдаанд оролцож болох аж. Уралдаан уламжлал ёсоор 7-р сарын 10-нд Хүйн долоон худагт болох бөгөөд насанд хүрсэн хүн унаж уралддагаараа онцлог юм. Уралдааны талаарх дэлгэрэнгүй мэдээллийг та бүхэн 9918-8152 дугаарын утсанд холбогдох буюу  үндэсний морин уралдааны холбоо гэсэн хаягаас мэдэх боломжтой.
А.Энхжил