“Дүнжингаравын хурд-2015” уралдаан-хурдан соёолонгууд

“Дүнжингаравын хурд-2015” хаврын бүсийн отгон уралдаан болох соёолон насанд 160 гаруй үрээ бүртгүүлж уралдсанаас 13 нь шүдээр буюу үүлдэрлэг байдлаар хасагдсан юм. Ингээд 150 орчим үрээ уралдааны замд гарснаас:
1. Өмнөговь аймгийн Даланзадгад сумын уугуул, аймгийн Алдарт уяач Бадамгаравын Бадраагийн хар. Хар үрээг 140 дугаартай, 13 настай Алтантөгс хүү унаж түрүүлгэжээ.
2. Булган аймгийн Гурванбулаг сумын уугуул, МУ-ын Манлай уяач Дамбын Хишигжаргалын шарга. Шарга үрээг 17 дугаартай, 11 настай Пүрэвсүрэнгийн Тэмүүжин хүү унаж аман хүзүүдүүлсэн байна.
3. Төв аймгийн Сэргэлэн сумын уугуул, МУ-ын Манлай уяач Ононгийн Батбилэгийн Янзага зээрд. Энэ үрээ АХ-ын 93 жилийн ой, төрийн их баяр наадамд айрагдаж байсан билээ. Зээрд үрээг 69 дугаартай, 10 настай Батбилэгийн Буяндэлгэр хүү унаж айргийн гуравт хурдлуулсан юм.
4. Төв аймгийн Угтаалцайдам сумын уяач Баянжаргалын Баттөрийн бидэртэй халиун. Халиун үрээг 18 дугаартай, 12 настай Наранбаатарын Уртнасан хүү унаж айргийн дөрөвт хурдлуулжээ.
5. Хэнтий аймгийн Баянхутаг сумын уугуул, МУ-ын Тод манлай уяач Б.Мөнхбатын хүү Цэрэндамбын сартай хээр. Хээр үрээг 3 дугаартай, 13 настай Отгонбатын Намхайнямбуу хүү унаж айргийн тавд хурдлууллаа.
6. Баянхонгор аймгийн Жаргалан сумын уугуул Лхагвасүрэнгийн Алтанхуягийн хар. Хар үрээг 59 дугаартай, 12 настай Амаржаргалын Бөхчулуун хүү унаж  хурдуулжээ.
7. Дундговь аймгийн Өлзийт сумын уугуул П.Эрдэнэчулууны хонгор. Хонгор үрээг 83 дугаартай, 9 настай хүү унаж хурдлуужээ.
8. Говь-Алтай аймгийн Дарви сумын уугуул Сосорбарамын Баттулгын хүрэн. Хүрэн үрээг 8 дугаартай, 13 настай Тунгалагийн Хатанзориг хүү унаж хурдлуулжээ.
9. Дундговь аймгийн Хулд сумын уугуул Баярсайханы Лхагва-Очирын хүрэн. Хүрэн үрээг 112 дугаартай, 8 настай Азхийморь хүү унаж хурдлуулжээ.
10. Төв аймгийн Угтаалцайдам сумын уугуул Нэргүйн Гантулгын хүрэн. Хүрэн үрээг  9 дугаартай, 14 настай Отгонбаатарын Намхайнямбуу хүү унаж хурдлуулжээ.
Гэрэл зургийг А.Мягмарсүрэн