"Хутагтын хурд-2015" уралдааны хурдан их насны морьд

Засгийн газрын тогтоолт  “Хутагтын хурд-2015” говийн бүсийн уралдаанд эхний аравт хурдалсан хурдан хүлгүүдийг танилцуулж байна.
1. Өмнөговь аймгийн Цогт-Овоо сумын уугуул С.Төгөлдөрийн буурал. Өнгөрсөн жил “Дүнжингаравын хурд-2014” уралдаанд түрүүлж байсан буурал морийг “Агт-Эрдэнэ” галын уяач Г.Буянтогтох уяж, найман настай У.Батгэрэл хүү унаж хурдлуулжээ.
2. Говь-Алтай аймгийн Бигэр сумын уугуул Ж.Мөнхтөрийн шарга. Шарга морины уяа сойлгыг МУ-ын Алдарт уяач Ц.Цэрэнбал  тааруулж, найман настай Н.Буяннэмэх хүү хурдлуулсан байна.
3. Дундговь аймгийн Хулд сумын уугуул Д.Батхуягийн хүрэн. Хүрэн морийг 11 настай Б.Наранхүү унажээ.
4. Төв аймгийн Эрдэнэ сумын уугуул Ц.Тувааны халтар. Халтар морийг 14 настай Н.Мөнх-Эрдэнэ хүү унаж хурдлуулжээ.
5. Ховд аймгийн Цэцэг сумын уугуул, аймгийн Алдарт уяач Н.Баасанжавын хээр. Хээр морийг МУ-ын Алдарт уяач Б.Цэндбаатар уяж, Б.Тэлмэн унаж хурдлуулсан байна.
6.Дорноговь аймгийн Айраг сумын уугуул Л.Очирын хүрэн. Хүрэн морийг долоон настай Б.Батдорж унаж хурдлуулжээ.
7.Өмнөговь аймгийн Ханбогд сумын уугуул, аймгийн Алдарт уяач А.Амарбаясгалангийн хүрэн. Хүрэн морины уяа сойлгыг аймгийн Алдарт уяач Н.Энхсайхан тааруулж, 10 настай М.Оюунгэрэл унаж хурдлуулсан байна.
8.Сүхбаатар аймгийн Баяндэлгэр сумын уугуул Д.Аюулгүйн хар. Хар морины уяа сойлгыг Д.Энхтүвшин уяач тааруулж, 11 настай А.Бадамдорж хүү унаж хурдлуулжээ.
9.Говь-Алтай аймгийн Баян-Уул сумын уугуул Тод манлай уяач Д.Цэрэнжигмэдийн хамар цагаан халтар. Халтар морийг 12 настай Д.Гансүх хүү унасан байна.
10.Завхан аймгийн Завханмандал сумын уугуул аймгийн Алдарт уяач Ц.Мөнххуягийн зээрд. Зээрд морийг Тод манлай уяач Д.Мөнхбат тааруулсан бол 12 настай Б.Баярбаасан хүү унаж хурдлуулжээ.
Мэдээллийг “Хутагтын хурд” МСУХ-ны нарийн бичгийн дарга Б.Ган-Өлзий, фотог А.Мягмарсүрэн