“Дүнжингаравын хурд-2015” уралдааны хурдан азарганууд

1.Говь-Алтай аймгийн Баян-Уул сумын уугуул, Тод манлай уяач Дагвадоржийн Цэрэнжигмэдийн зээрд. Зээрд азаргыг 12 настай Батбуянгийн Цэрэндаваа хүү унаж түрүүлгэжээ.
2.Хөвсгөл аймгийн Мөрөн сумын уугуул, аймгийн Алдарт уяач Түдэндоржийн Болдбаатарын халиун. Халиун азаргыг 13 настай Батжаргалын Ганхүү хүү унаж аман хүзүүдүүлсэн байна.
3.Өмнөговь аймгийн Цогтцэций сумын уугуул, аймгийн Алдарт уяач Хүүгийн Түмэнбаярын хонгор. Хонгор азаргыг 10 настай Д.Аравнайсүрэн хүү унаж айргийн  гуравт хурдлуулсан аж.
4.Орхон аймгийн Баян-Өндөр сумын уяач, МУ-ын Алдарт уяач Дэмбэрэлийн Дэлгэрбаярын сартай хонгор. Хонгор азаргыг 13 настай Даваадоржийн Нямбаяр хүү унаж айргийн дөрөвт хурдлуулжээ.
5.Завхан аймгийн Түдэвтэй сумын уугуул, аймгийн Алдарт уяач Гомбожавын Баярцогтын  хүрэн халзан. Хүрэн азаргыг 10 настай Батсайханы Рагчаа хүү унаж айргийн тавд хурдлуулсан байна.
6.Дундговь аймгийн Өлзийт сумын уугуул, аймгийн Алдарт уяач Батсүхийн Наранхүүгийн Монгол хээр. Хээр азаргыг 7 настай Мягмаржавын Ёсоп хүү унаж хурдлуулжээ.
7.Хөвсгөл аймгийн Тосонцэнгэл сумын уугуул, аймгийн Алдарт уяач  Сономын Гүнширийн хээр. Хээр азаргыг 13 настай Жигжидийн Пүрэв-Очир хүү унаж хурдлуулжээ.
8.Архангай аймгийн Өндөр-Улаан сумын уугуул Шаравжамцын Бадамжунайн хүрэн халзан. Хүрэн азаргыг 13 настай Мөнхтөрийн Энхбаяр хүү унаж хурдлуулсан байна.
9.Дундговь аймгийн Адаацаг сумын уугуул Хуягтбаатарын Лхагважавын ягаан. Ягаан азаргыг 13 настай Үүрийнтуяагийн Бум-Аюуш хүү унаж хурдлуулжээ.
10.Дундговь аймгийн Эрдэнэдалай сумын уугуул Дагвын Доржийн зээрд. Зээрд азаргыг 12 настай Доржийн Назадбаатар хүү унаж хурдлуулжээ.
Фотог А.Мягмарсүрэн